دەنساۋلىق ساقتاۋ مينيسترلىگى ءباسپاسوز قىزمەتىنىڭ حابارلاۋىنشا, زەرتحانالار سانيتاريالىق-ەپيدەميالىق قىزمەتتى كۇشەيتۋ جانە ينفەكتسيالىق اۋرۋلارعا, COVID-19 ىندەتىنە جەدەل كوڭىل ءبولۋ, ىندەتتى دەر كەزىندە ەمدەۋ شارالارىنا دايىندىق اياسىندا دەنساۋلىق ساقتاۋ مينيسترلىگىنىڭ قاراجاتى ەسەبىنەن ساتىپ الىندى.
پتر زەرتحانالار ەكىنشى دەڭگەيلى بيولوگيالىق قورعانىس بوكستارىمەن, اۆتونومدى ەنەرگيا, شىعىن ماتەريالدارىنىڭ قاجەتتى جيىنتىعىمەن جابدىقتالعان. جىلجىمالى زەرتحانالار دالادا اسا قاۋىپتى ينفەكتسيالارعا زەرتحانالىق زەرتتەۋلەردىڭ تولىق سپەكترىن ورىنداۋعا, دەربەس جانە ينفەكتسيالىق اۋرۋ وشاعىندا مەديتسينالىق مەكەمە جانىنداعى ىسساپارعا جىبەرىلگەن ستاتسيونارلىق زەرتحانا رەتىندە جۇمىس ىستەي الادى.
ايتا كەتۋ كەرەك, بۇل زەرتحانالار تولىعىمەن قازاقستاندا قۇراستىرىلعان. شاسسي كوكشەتاۋ قالاسىنداعى «كاماز-ينجينيرينگ» كومپانياسىندا, فۋرگون, زەرتحانالىق جانە قوسالقى جابدىقتاردى الماتى قالاسىنداعى «توپول» كومپانياسى جاساعان.
بۇعان دەيىن ۇلتتىق ورتالىقتىڭ جامبىل, اقتاۋ, اتىراۋ وڭىرلىك فيليالدارىنا وسىعان ۇقساس ءۇش زەرتحانا جىبەرىلگەن بولاتىن. بىرەۋى قازاقستاننىڭ كەز كەلگەن نۇكتەسىندە سانيتارلىق-ەپيدەميالىق سيپاتتاعى توتەنشە جاعداي كەزىندە مەديتسينالىق مەكەمەلەر جىلدام جاۋاپ بەرۋى ءۇشىن رەزەرۆ رەتىندە ورنالاستىرىلعان.
«كوروناۆيرۋس ينفەكتسياسىنىڭ ەكىنشى تولقىنىنا دايىندىق جونىندەگى كەڭەستە مەملەكەت باسشىسى تەستىلەۋ قۋاتىن ارتتىرۋدى تاپسىردى. قازىرگى ۋاقىتتا ەلىمىزدە زەرتحانالىق تەستىلەۋدىڭ قۋاتى تاۋلىگىنە 48 مىڭ تەستكە دەيىن جەتكىزىلدى. ايماقتارعا جابدىقتار جەتكىزۋ جانە وسىنداي جىلجىمالى زەرتحانالار ساتىپ الۋ ەسەبىنەن ءبىز تەستىلەۋ قۋاتىن تاۋلىگىنە 63 مىڭ زەرتتەۋگە دەيىن ارتتىرا الامىز», دەدى دەنساۋلىق ساقتاۋ ءمينيسترى.
سونىمەن قاتار ا.تسوي اقيۇعو ماماندارىمەن كەزدەستى, وندا قازاقستان رەسپۋبليكاسىنىڭ بيوقاۋىپسىزدىك جانە حالىقتى بيوقورعاۋ ساياساتىن دامىتۋ ماسەلەلەرى تالقىلاندى. COVID-19 ءورشۋى مۇمكىن دەگەن اقپارات تۇسكەن كۇننەن باستاپ اقيۇعو پروفيلاكتيكالىق جانە ەپيدەمياعا قارسى ءىس-شارا ازىرلەۋگە كىرىستى. 2020 جىلدىڭ اقپان ايىندا اقيۇعو بازاسىندا پتر تەست-جۇيەسى ازىرلەندى. قازىرگى ۋاقىتتا مەديتسينالىق بۇيىمداردىڭ مەملەكەتتىك تىزىلىمىندە تىركەلگەن. ورتالىق جىلىنا 200 مىڭ زەرتتەۋگە ارنالعان تەست جۇيەسىن شىعارا الادى.
قازاق ۇلتتىق اگرارلىق ۋنيۆەرسيتەتىمەن ىنتىماقتاستىقتا COVID-19-عا قارسى نانو-ەمۋلسيالىق اديۋۆانت نەگىزىندە نانو-ۆاكتسينا مەن سۋببىرلىكتى ۆاكتسينانى ازىرلەۋ بويىنشا زەرتتەۋلەر جۇرگىزىلۋدە.
جالپى, ساپار قورىتىندىسى بويىنشا مينيستر يممۋنوبيولوگيالىق پرەپاراتتاردىڭ وندىرىستىك بازاسىن كەڭەيتۋ ءۇشىن ۇسىنىستار ەنگىزۋدى تاپسىردى, سونداي-اق حالىقارالىق ترەنينگ ورتالىعىندا اسا قاۋىپتى ينفەكتسيالار بويىنشا قىسقا مەرزىمدى وقىتۋ كۋرستارىن اشۋ قاجەتتىگىن اتاپ ءوتتى.
