وبلىس اكىمىنىڭ ورىنباسارى باقىتگۇل حامەنوۆانىڭ ايتۋىنشا, 196 مەكتەپ بار. قازىر 23 مىڭ وقۋشى مەكتەپتەردەگى كەزەكشى سىنىپتاردا ءبىلىم الۋدا. وڭىردەگى ءبىلىم وشاقتارىنىڭ سانيتارلىق احۋالىن زەردەلەگەن مونيتورينگتىك توپتار بىرقاتار ولقىلىقتىڭ بارىن انىقتاپتى. ماسەلەن, مەكتەپتەردە سانيتارلىق قۇرالداردىڭ جوقتىعى, تىركەۋ جۋرنالدارى مەن مەديتسينالىق ماسكالاردىڭ بولماۋى ىندەتتەن ساقتانۋ شارالارىنىڭ بوساڭسىعانىن بايقاتىپ وتىر.
"اتا-انالار بالالارىن مەكتەپكە ءبىلىم الۋ ءۇشىن جىبەرەدى. سول سەبەپتەن, مەكتەپتەردە وقۋشىلاردىڭ قاۋىپسىزدىگى باستى نازارعا الىنۋى كەرەك. وسى ورايدا بۇعان مەكتەپ ديرەكتورلارى مەن ءبىرىنشى باسشىلىق جاۋاپكەرشىلىكپەن قاراۋى ءتيىس. بۇل – حالىقتىڭ اماناتى", دەدى ب.حامەنوۆا.
مەكتەپ باسشىلارىنىڭ اقپاراتىنا قاراعاندا, مونيتورينگتىك توپتار انىقتاعان كەمشىلىكتەر جويىلىپتى. ەندى ولار مۇنداي كەمشىلىكتەرگە جول بەرىلمەيتىنىنە سەندىرىپ وتىر.
وبلىس اكىمىنىڭ ورىنباسارى ەرجان ءابىلحانوۆتىڭ پىكىرىنشە, كاسىپكەرلەردىڭ دە قاۋىپسىزدىك شارالارىنا بەيجاي قاراماعانى ءجون. بۇعان مونيتورينگتىك توپ وكىلدەرىنىڭ رەيدكە توتەنشە جاعدايلار سالاسىنىڭ ماماندارىن قوسۋ جونىندەگى ۇسىنىسى سەبەپ بولىپ وتىر. ويتكەنى, كوپتەگەن نىساننىڭ يەلەرى ەسىك اشپاي, قيىندىق تۋدىراتىنى جاسىرىن ەمەس.
