جاقىندا استانا قالاسىنىڭ جۋرناليستەر ۇيىندە «بىرلىك» پارتياسىنىڭ توراعاسى سەرىك سۇلتانعالي بريفينگ وتكىزدى. وندا ول جۋرناليستەردى جاڭا ساياسي بىرلەستىكتىڭ جۇمىسىمەن تانىستىردى.
– بۇگىنگى تاڭدا كوپتەگەن مەملەكەتتەر قازاقستان رەسپۋبليكاسىنىڭ قارقىندى دامىپ كەلە جاتقانىن مويىندايدى. ەلباسى تاڭداعان ساليقالى ساياساتتىڭ ارقاسىندا ەكونوميكامىز ورلەپ, تۇراقتى جولمەن دامىپ كەلەدى. قازاقستان رەسپۋبليكاسىنىڭ ازاماتى رەتىندە ەلىمىزدى كوركەيتۋگە, مەملەكەتىمىزدى وركەندەتۋگە اتسالىسۋ ءۇشىن مەن دە ساياساتقا كەلدىم.
جاقىندا استانا قالاسىنىڭ جۋرناليستەر ۇيىندە «بىرلىك» پارتياسىنىڭ توراعاسى سەرىك سۇلتانعالي بريفينگ وتكىزدى. وندا ول جۋرناليستەردى جاڭا ساياسي بىرلەستىكتىڭ جۇمىسىمەن تانىستىردى.
– بۇگىنگى تاڭدا كوپتەگەن مەملەكەتتەر قازاقستان رەسپۋبليكاسىنىڭ قارقىندى دامىپ كەلە جاتقانىن مويىندايدى. ەلباسى تاڭداعان ساليقالى ساياساتتىڭ ارقاسىندا ەكونوميكامىز ورلەپ, تۇراقتى جولمەن دامىپ كەلەدى. قازاقستان رەسپۋبليكاسىنىڭ ازاماتى رەتىندە ەلىمىزدى كوركەيتۋگە, مەملەكەتىمىزدى وركەندەتۋگە اتسالىسۋ ءۇشىن مەن دە ساياساتقا كەلدىم.جاڭا ساياسي بىرلەستىگىمىز جونىندە ايتاتىن بولساق, «بىرلىك» پارتياسى ءوز جۇمىسىن ەركىندىك, ادىلدىك, ادامگەرشىلىك پەن وتانسۇيگىشتىك قاعيداتتارىنا نەگىزدەي وتىرىپ جۇرگىزۋدى كوزدەيدى.
ءبىز ءۇشىن ەڭ ماڭىزدىسى – قوعامدىق, الەۋمەتتىك, ۇلتتىق جانە ءدىني قاراما-قايشىلىقتارعا جول بەرمەي, ادامدار اراسىنداعى ءوزارا سەنىمدى نىعايتىپ, قازاقستان حالقىنىڭ بىرلىگىن ساقتاۋ بولىپ تابىلادى. بۇل رەتتە پارتيا ەۆوليۋتسيالىق جولدى ۇستانادى. ءبىز قوعامنىڭ ەۆوليۋتسيالىق دامۋىن جانە ۇلتتىق قۇندىلىقتار مەن داستۇرگە سۇيەنە وتىرىپ, پروبلەمالاردىڭ كەزەڭ-كەزەڭمەن شەشىلۋىن قولدايمىز, – دەپ اتاپ ءوتتى سەرىك سۇلتانعالي.
ءوزىنىڭ يدەيالىق, ساياسي باعىت-باعدارىندا پارتيا الەۋمەتتىك ادىلدىككە ايرىقشا كوڭىل بولەدى. – ءبىزدىڭ پارتيامىزدىڭ ماقساتى مەن مىندەتى – بارلىق قازاقستاندىقتار ءۇشىن تەڭ مۇمكىندىكتەر جاساۋ, – دەدى پارتيا توراعاسى. – اسىرەسە, اۋىل پروبلەماسى پارتيانى قاتتى الاڭداتادى. كوپتەگەن اۋىلداردا مادەنيەت وشاقتارى ءوز جۇمىستارىن الدەقاشان توقتاتقان. ولاردىڭ كوبىسى قيراپ, قالعاندارى قاڭىراپ بوس تۇر. ءبىز ۇلتتىق قۇندىلىقتاردى كەڭ ناسيحاتتاي وتىرىپ, اۋىلدىڭ ءمادەني-رۋحاني جاڭعىرۋىنا ءمۇمكىندىك اشۋدى كوزدەپ وتىرمىز. اۋىلداعى مادەنيەت وشاقتارىنىڭ, حالىق تەاترلارى مەن كىتاپحانالاردىڭ قايتا تۇلەۋىنە كۇش سالامىز. ول, سونداي-اق, ءوزىن اۋىل جاستارىنىڭ ماسەلەسى دە قاتتى تولعاندىراتىنىن جەتكىزدى. اۋىلدا تۇراتىن كوپتەگەن بالالاردىڭ جوعارى ءبىلىم الۋعا ءمۇمكىندىكتەرى جوق. سوندىقتان دا ولارعا ارناپ كاسىپتىك-تەحنيكالىق وقۋ ورىندارىن اشۋ كەرەك. وندا وقۋشىعا جاقسى شاكىرتاقى قاراستىرىلىپ, ساپالى ءبىلىم بەرۋ قاجەت. وقۋدى بىتىرگەن ءتۇلەكتەر مىندەتتى تۇردە جۇمىسپەن قامتىلعانى ءجون, – دەدى سەرىك سۇلتانعالي. ول, سونداي-اق, كوپتەگەن جاستاردىڭ بوس ءجۇرىپ, قىلمىسقا ۇرىناتىنىنا, ءتۇرلى راديكالدى اعىمداردىڭ جەتەگىندە كەتەتىنىنە قىنجىلىس ءبىلدىردى. – ەلىمىزدىڭ بولاشاعى جاستار.سوندىقتان وسكەلەڭ ۇرپاققا دۇرىس باعىت بەرۋ ءبىزدىڭ پارتيالىق قانا ەمەس, سونىمەن قاتار, ازاماتتىق پارىزىمىز بولىپ تابىلادى, – دەدى پارتيا جەتەكشىسى.
ايتا كەتەتىن جايت, 14 قاراشادا «بىرلىك» پارتياسى ءوزىنىڭ العاشقى مادەني شاراسىن ۇيىمداستىرادى. وندا ادەبيەت, قولونەر, سۋرەت, ءداستۇرلى اندەر جانە باسقا دا سالالاردا سايىستار وتكىزىلەدى. سونداي-اق, جەڭىمپازدارعا 24 گرانت بولىنگەنى بەلگىلى بولدى. بۇل شارا ادامداردىڭ رۋحاني ازىق الۋىنا, بويىنداعى تالانتتارىن شىڭداۋعا مۇمكىندىك بەرەدى.
– «بىرلىك» نەگىزىنەن سانعا ەمەس, ساپاعا ۇمتىلادى. بىزگە شاعىن باسشىلىق اپپاراتى بار جانە ءوزىن سوزبەن ەمەس, ناقتى ىسىمەن دالەلدەيتىن مىقتى كوماندا قاجەت, – دەدى پارتيا توراعاسى.
قازىرگى ۋاقىتتا پارتيانىڭ ورتالىق اپپاراتىنىڭ قۇرامىن قالىپتاستىرۋ اياقتالىپ كەلەدى. سونداي-اق, وڭىرلەردە پارتيانىڭ فيليالدارىن قۇرۋ جۇمىستارى ءجۇرىپ جاتىر.
– ءبىزدىڭ ناقتى ماقساتتارىمىز بەن مىندەتتەرىمىز ايقىندالدى. ەندىگى كەزەكتە ويلاعان جوبالارىمىزدى ىسكە اسىرۋعا بار كۇشىمىزدى جۇمسايتىن بولامىز, –دەپ ءسوزىن تۇيىندەدى سەرىك سۇلتانعالي.
ايدار ورىسباەۆ,
«ەگەمەن قازاقستان».
استانا.
