دەپۋتاتتار پارلامەنتتىك تىڭداۋ قارساڭىندا اۋىل شارۋاشىلىعى مينيسترلىگىنىڭ وكىلدەرىمەن كەزدەسىپ, بيىلعى 8 ايدىڭ قورىتىندىسى بويىنشا اۋىل شارۋاشىلىعىنداعى جالپى ءونىم كولەمى 4,9 %-عا ارتىپ, 2,4 ترلن تەڭگەنى قۇراعانىنان حاباردار بولدى
بۇگىندە ەلىمىزدە ازىق-ت ۇلىك ءوندىرىسىنىڭ كولەمى 12%-عا ارتىپ, 1 629 ملرد تەڭگەنى قۇراپ وتىر. سونىمەن قاتار وتاندىق ءوندىرىستىڭ ىشكى تۇتىنۋداعى ۇلەسى 80%-دان استى. اۋىل شارۋاشىلىعى مينيسترلىگىنىڭ دەرەكتەرى بويىنشا 2016-2019 جىلدار ارالىعىندا اۋىل شارۋاشىلىعى ونىمدەرى مەن ونىڭ قايتا وڭدەلگەن ونىمدەرىنىڭ ەكسپورتى ءبىر جارىم ەسە ۇلعايدى.
پارلامەنت دەپۋتاتتارى كەزدەسۋدە سۋبسيديالاۋ باعدارلاماسىن دامىتۋ, اۋىل كاسىپكەرلەرى ءۇشىن سالىقتىق جەڭىلدىكتەر بويىنشا مۇمكىندىكتەردى كەڭەيتۋ قاجەتتىگىن اتاپ ءوتتى. «قازاگرو» حولدينگىنىڭ اقپاراتى بويىنشا, بيىلعى جىلدىڭ 9 ايىندا نەسيەلەندىرۋ مەن ليزينگتى قوسا العاندا, اگروونەركاسىپ كەشەنىن قارجىلاندىرۋ كولەمى 325,1 ملرد تەڭگەگە جەتتى.
كەزدەسۋ قورىتىندىسى بويىنشا پروبلەمالاردى شەشۋ جانە اگروونەركاسىپ كەشەنىن دامىتۋ جونىندەگى ۇسىنىستار ازىرلەنەدى جانە 2020 جىلعى 23 قازاندا پارلامەنتتىك تىڭداۋدا ايتىلاتىن بولدى.
