"وكىنىشكە قاراي, سوڭعى 14 كۇندە كوروناۆيرۋس جۇقتىرعاندار سانى قايتا وسە باستاعانى بايقالادى. ماسەلەن, 28 قىركۇيەك پەن 4 قازان ارالىعىندا ىندەت جۇقتىرۋدىڭ 5 جاعدايى تىركەلگەن بولسا, 5 قازان-11 قازان ارالىعىندا 43 جاعداي انىقتالىپ وتىر. وسىعان سايكەس, ىندەتتىڭ الدىن الۋ شارالارى ۇيىمداستىرىلىپ, كارانتين تالاپتارى كۇشەيتىلدى", دەيدى اسىلبەك شاروۆ.
قاۋلىعا سايكەس, اتىراۋلىقتارعا الاڭداردا, ساياباقتاردا, سكۆەرلەر مەن جاعالاۋلاردا ءبىر وتباسى مۇشەلەرىن قوسپاعاندا, 3 ادامنان اسپاي توپتاسىپ جۇرۋگە رۇقسات ەتىلگەن. سونداي-اق, تۇرعىندارعا قوعامدىق ورىنداردا, قوعامدىق ترانسپورتتا, حالىققا قىزمەت كورسەتۋ جانە دەمالۋعا ارنالعان عيماراتتاردا, اشىق اۋادا مەديتسينالىق ماسكا كيۋ مىندەتتەلىپ وتىر.
"بۇدان بولەك, قوعامدىق تاماقتانۋ وبەكتىلەرىنىڭ ناقتىراق ايتقاندا, كافە, مەيرامحانا جانە باسقالارىنىڭ جۇمىس ۋاقىتى ساعات 08:00-دەن 22:00-گە دەيىن قىسقارتىلدى. كەلۋشىلەر سانى جابىق عيماراتتاردا 30 ادامنان, اشىق الاڭداردا 50 ادامنان اسپاي, كەمىندە 2 مەتر الەۋمەتتىك قاشىقتىقتى جانە كۇشەيتىلگەن سانيتارلىق-دەزينفەكتسيالىق رەجيمدى ساقتاۋى ءتيىس" دەيدى وبلىستىڭ باس مەملەكەتتىك سانيتارلىق دارىگەرى اسىلبەك شاروۆ.
