جيىندا وڭىردەگى ەكولوگيالىق ماسەلەلەردى شەشۋ بويىنشا دايىندالىپ جاتقان جول كارتاسىنىڭ جوباسى تانىستىرىلدى. ءمينيستردىڭ ايتۋىنشا, قازىر قوستاناي وبلىسىندا ەكولوگيا بويىنشا بىرقاتار پروبلەما بار. جول كارتاسى سونىڭ ءبارىن قامتۋى ءتيىس.
«مۇنداي پروبلەمالاردىڭ قاتارىنا قوستانايدا بيولوگيالىق تازارتۋ ستانسالارىنىڭ جوقتىعىن, وڭىردەگى قالالاردا كاناليزاتسيالىق تازارتۋ عيماراتتارىنىڭ ءتيىمسىز جۇمىسىن, ەلدى مەكەندەردەگى قاتتى تۇرمىستىق قالدىقتاردى ورنالاستىرۋ ماسەلەسىن جاتقىزۋعا بولادى. وسى جانە وزگە دە ماسەلەلەر بويىنشا كەشەندى شارالار قابىلداۋ كەرەك. بۇل باعىتتا اكىمدىكتىڭ اتقاراتىن جۇمىسى ماڭىزدى. جول كارتاسىنا ناقتى شارالار ەنگىزىلدى, ەندى سونى جۇزەگە اسىرۋ قاجەت», دەدى م.مىرزاعاليەۆ.
ايتا كەتەلىك, اتالعان ءوڭىر بويىنشا دايىندالعان جول كارتاسى كوگالداندىرۋ, جەر رەسۋرستارى, سۋ رەسۋرستارى, قالدىقتاردى باسقارۋ, اتموسفەرالىق اۋاعا شىعارىلاتىن قالدىقتاردى ازايتۋ سەكىلدى 7 بولىمنەن تۇرادى. كەزدەسۋگە قاتىسقان قوعامدىق ۇيىمدار مەن وڭىردەگى ءىرى ءوندىرىس ورىندارىنىڭ وكىلدەرى ەندى جول كارتاسى جوباسىمەن تولىق تانىسىپ, ەكى اپتا ىشىندە ءوز ۇسىنىستارى مەن ەسكەرتۋلەرىن بەرۋى ءتيىس.
ء«بىزدىڭ ماقساتىمىز بەن مىندەتىمىز ورتاق ەكەنىن ءتۇسىنۋ كەرەك. كەرى بايلانىس قاجەت. تەك سوندا عانا اتالعان قۇجات ارقىلى وزەكتى ەكولوگيالىق پروبلەمالاردى شەشە الامىز», دەپ اتاپ ءوتتى مينيستر.
ەكولوگيالىق احۋالدى جاقسارتۋعا باعىتتالعان جول كارتالارىن مينيسترلىك باسقا وڭىرلەر حالقىمەن دە تالقىلاۋدى جالعاستىرادى.
