وسىلايشا, جاڭا جۇمىس جۇيەسى بويىنشا ءتىج رەسىمدەۋ قازاقستان رەسپۋبليكاسىنىڭ مەملەكەتتىك شەكاراسىن ەاەو ەلدەرىمەن وتكەنگە دەيىن قاجەت. سونداي-اق قاناتقاقتى جوبا شەڭبەرىندە ەاەو ەلدەرىمەن ءوزارا ساۋدادا ەكسپورتتىق جانە يمپورتتىق وپەراتسيالاردى جۇزەگە اسىرۋ كەزىندە ءتىج رەسىمدەۋ كوزدەلگەن.
كوميتەتتىڭ ءباسپاسوز قىزمەتى اتاپ وتكەندەي, رەسىمدەلگەن ءتىج-ءدىڭ بولۋى اۆتوموبيل وتكىزۋ پۋنكتتەرىندە تاۋارعا ىلەسپە قۇجاتتاردى سكانەرلەۋ قاجەتتىلىگىن بولدىرمايدى, بۇل ەاەو ەلدەرىمەن مەملەكەتتىك شەكارادان ءوتۋ پروتسەسىن جەدەلدەتەدى.
جالپى, قاناتقاقتى جوبا 2021 جىلعى 1 ناۋرىزدان باستاپ ءتىج مىندەتتى ەنگىزۋگە «جۇمساق» كوشۋ ءۇشىن جۇزەگە اسىرىلادى. پيلوتتى جۇرگىزۋ كەزىندە اكىمشىلىك جاۋاپكەرشىلىك شارالارى قولدانىلمايدى. جوبا سالىق تولەۋشىلەرگە ءتىج-مەن جۇمىس ىستەۋگە بەيىمدەلۋگە, ولاردىڭ ەسەپ جۇيەلەرىن جانە ساتىپ الۋشىلارمەن جانە جەتكىزۋشىلەرمەن ءوزارا ارەكەتتەسۋدى ورناتۋعا ارنالعان.
ءتىج رەسىمدەۋ ءۇشىن حالىققا قىزمەت كورسەتۋ ورتالىقتارىنان الۋعا بولاتىن ەتسق كومەگىمەن ەلەكتروندىق شوت-فاكتۋرالاردىڭ اقپاراتتىق جۇيەسىن پايدالانۋ تۋرالى كەلىسىمگە قول قويۋ ارقىلى ەشف اج-دا تىركەلۋ قاجەت. ەشف اج-دا تىركەلۋ جانە جۇمىس ىستەۋ تەگىن جۇزەگە اسىرىلاتىنىن اتاپ وتكەن ءجون.
مەملەكەتتىك كىرىستەر كوميتەتى ەاەو ەلدەرىمەن ءوزارا ساۋدادا سىرتقى ەكونوميكالىق قىزمەتتىڭ بارلىق قاتىسۋشىلارىن كەيىننەن ءتىج مىندەتتى رەسىمدەۋگە بىرتىندەپ كوشۋ ءۇشىن قاناتقاقتى جوباعا قاتىسۋ بويىنشا دايىندىق ءىس-شارالارىن وتكىزۋگە شاقىرادى.
سونداي-اق قاناتقاقتى جوبا اكتسيزدەلەتىن تاۋارلاردى وتكىزۋ جانە دۇنيەجۇزىلىك ساۋدا ۇيىمىنىڭ الىپ قويۋ تىزبەسىندەگى تاۋارلاردى (تاۋارلاردىڭ وسى تىزبەسىمەن ەۋرازيالىق ەكونوميكالىق كوميسسيا كەڭەسىنىڭ 2015 جىلعى 14 قازانداعى № 59 شەشىمىندە تانىسۋعا بولادى) جانە ەلەكتروندىق شوت-فاكتۋرالار ۆيرتۋالدى قويما ءمودۋلى ارقىلى جازىپ بەرىلەتىن تاۋارلاردى (تاۋارلاردىڭ وسى تىزبەسىمەن قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى – قازاقستان رەسپۋبليكاسى قارجى ءمينيسترىنىڭ 2019 جىلعى 23 ساۋىردەگى № 384 بۇيرىعىمەن تانىسۋعا بولادى) وتكىزۋ كەزىندە ءتىج رەسىمدەۋدى كوزدەيدى دەيدى كوميتەت ماماندارى.
ءتىج – قارجى مينيسترلىگى مەملەكەتتىك كىرىستەر كوميتەتىنىڭ «ەلەكتروندىق شوت-فاكتۋرالار» اقپاراتتىق جۇيەسىندە («ەشف» اج) ەلەكتروندىق نىساندا رەسىمدەلەتىن تاۋارعا ىلەسپە قۇجات. ءتىج رەسىمدەۋ جانە رەسىمدەۋ ءتارتىبىن ساقتاۋ جونىندەگى نورمالار سالىق كودەكسىنىڭ 176-بابىندا ايقىندالعان.
