ماسەلەن, قىزمەتكەر مەن كەلۋشىنىڭ اراسىنا ارنايى تەرەزە ورناتىلدى. سونداي-اق قازىرگى تاڭدا كەز-كەلگەن ازامات وزىنە قاجەتتى قىزمەتكە 1414 call-ورتالىعى ارقىلى ونلاين برون جاساي الادى. بۇل دا ۇيالى تەلەفونمەن نەمەسە ءموبيلدى قوسىمشالارمەن ءالى دە پايدالانا المايتىن ادامدارعا جاسالعان مۇمكىندىك.
"وبلىس بويىنشا مەملەكەتتىك قىزمەتتەردى كورسەتۋدى 11 فرونت-وفيس, 1 سەكتور, 1 وكىلدىك جانە 3 موبيلدىك حالىققا قىزمەت كورسەتۋدى جۇزەگە اسىرادى. مەملەكەتتىك قىزمەتتەر رەەسترىندەگى 694 قىزمەتتىڭ 608-ءى مەملەكەتتىك كورپوراتسيا ارقىلى, ونىڭ 567 ەلەكتروندى تۇردە كورسەتىلەدى. بۇگىنگى كۇنگە 59 قىزمەت ەGov ءموبيلدى قوسىمشاسى ارقىلى جانە ەلەكتروندى ۇكىمەت پورتالىندا 52 كىزمەت ءبىر رەتتىك پارول ارقىلى كولجەتىمدى. سونىمەن قاتار Telegram ءموبيلدى قوسىمشاسى ارقىلى 26, VK, Facebook ارقىلى 24 قىزمەت قولجەتىمدى. ەلەكتروندى قىزمەتتەرگە دەگەن سۇرانىستىڭ كۇرت ءوسۋى COVID-19 پاندەمياسى مەن توتەنشە جاعداي كەزىندە حالىققا قىزمەت كورسەتۋ ورتالىقتارىنىڭ جابىلۋىنا بايلانىستى بولدى", - دەدى ا. مۇزباەۆ.
