اباي • 13 قازان، 2020

مالايزيادا اباي اتىنداعى قازاق ادەبيەتى جانە مادەنيەتى ورتالىعى اشىلدى

50 رەت كورسەتىلدى

قازاقتىڭ ۇلى اقىنى جانە ويشىلى اباي قۇنانباي ۇلىنىڭ 175 جىلدىق مەرەيتويىن اتاپ ءوتۋ اياسىندا بۇگىن كۋالا-لۋمپۋر قالاسىندا مالايزيا ۇلتتىق كىتاپحاناسى شەڭبەرىندە اباي اتىنداعى قازاق ادەبيەتى جانە مادەنيەتى ورتالىعى اشىلدى. بۇل تۋرالى ءسىم ءباسپاسوز قىزمەتى حابارلادى.

اباي ورتالىعىنىڭ ماقساتى – شەتەلدىك اۋديتوريانى قازاقستاننىڭ باي ادەبي، تاريحي جانە مادەني مۇراسىمەن تانىستىرۋ. ءىس-شارا اياسىندا، سونداي-اق، مالايزياداعى قازاقستان رەسپۋبليكاسى ەلشىلىگىنىڭ پىسىقتاۋىمەن العاش رەت مالاي تىلىنە اۋدارىلىپ جانە باسىلعان ابايدىڭ «قارا سوزدەر» كىتابىنىڭ تۇساۋكەسەرى ءوتتى. ورتالىققا باسقا دا قازاق ادەبيەتىنىڭ كىتاپتارى مەن شىعارمالارى جانە ۇلتتىق مۋزىكالىق اسپاپ – دومبىرا سىيعا تارتىلدى.

اباي اتىنداعى قازاق ادەبيەتى مەن مادەنيەتى ورتالىعىنىڭ اشىلۋ راسىمىندە مالايزيا ۇلتتىق كىتاپحاناسىنىڭ باس ديرەكتورى م.يسمايل جانە قر ەلشىسى ب.يمانباەۆ ءوز قۇتتىقتاۋ سوزدەرىندە ورتالىقتىڭ بىرەگەيلىگىن جانە ونىڭ ەكىجاقتى ىنتىماقتاستىقتى نىعايتۋداعى، حالىقتار جاقىنداسۋىنداعى جانە قازاقستان مەن مالايزيا اراسىنداعى مادەني الماسۋداعى ماڭىزدىلىعىن اتاپ ءوتتى.

ورتالىقتىڭ اشىلۋ ءراسىمى اياسىندا، تاراپتار ەلدەگى شەكتەۋ شارالارى اياقتالعاننان كەيىن، اباي ورتالىعى بازاسىندا تۇراقتى تۇردە ءتۇرلى بىرلەسكەن كورمەلەر مەن مادەني ءىس-شارالار وتكىزۋگە قول جەتكىزدى.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار