100 شەتەلدىك وقۋلىقتى قازاق تىلىنە اۋدارۋ «جاڭا گۋمانيتارلىق ءبىلىم. قازاق تىلىندەگى 100 جاڭا وقۋلىق» جوباسى شەڭبەرىندە جۇرگىزىلىپ جاتىر. اتالعان جوبانىڭ جۇمىسى قازاقستان رەسپۋبليكاسىنىڭ تۇڭعىش پرەزيدەنتى – ەلباسى ن.نازارباەۆتىڭ تاپسىرماسى بويىنشا 2017 جىلدان باستالعان.
بارلىق وقۋلىقتار جوعارى وقۋ ورىندارىنداعى وقۋ پروتسەسىندە, سونىڭ ىشىندە جۇمىس باعدارلامالارىن ازىرلەۋ, الەۋمەتتىك-گۋمانيتارلىق باعىتتاعى پاندەر بويىنشا دارىستەر وقۋ, ستۋدەنتتەر مەن پوق-تىڭ عىلىمي-زەرتتەۋ جۇمىسىندا پايدالانىلاتىنىن ايتا كەتكەن ءجون.
وسىلايشا, بۇل جوبا قازاقستاندىق ستۋدەنتتەرگە ۇزدىك الەمدىك ۇلگىلەر نەگىزىندە وقۋعا مۇمكىندىك بەرەدى. ياعني ستۋدەنتتەردىڭ تاريح جانە ساياساتتانۋ, الەۋمەتتانۋ جانە فيلوسوفيا, پسيحولوگيا, پەداگوگيكا, ەكونوميكا, مادەنيەتتانۋ جانە فيلولوگيا عىلىمدارى سالاسىنداعى زاماناۋي ترەندتەرگە سايكەس ءبىلىم الۋى ءۇشىن جاعداي جاسالعان. وقۋلىقتار https://100kitap.kz/ru/books جانە https://openu.kz/kz/books سايتتارىندا جاريالانعان. سونىمەن قاتار اۋدارىلعان وقۋلىقتار بويىنشا قازاق جانە ورىس تىلدەرىندەگى ۆيدەوكۋرستار ازىرلەنىپ, www.OpenU.kz پورتالىندا ورنالاستىرىلعان.
