كوبىنەسە شەتەلدىك كومپانيالار كوتەرمە جانە بولشەك ساۋدادا جۇمىس ىستەيدى: 8,6 مىڭ. قۇرىلىس سالاسىندا ولاردىڭ سانى – 2,2 مىڭ, كاسىبي, عىلىمي جانە تەحنيكالىق قىزمەت سالاسىندا – 1,6 مىڭ. قازاقستانداعى شەتەلدىك كومپانيالاردىڭ ەڭ كوبىسى – رەسەيلىكتەر. ماسەلەن, بيىل تامىز ايىنىڭ سوڭىندا قازاقستاندا رەسەيلىك 7,40 مىڭ كومپانيا جۇمىس ىستەپ تۇردى, ولاردىڭ كوپشىلىگى ساۋدا سالاسىندا (3,61 مىڭ كومپانيا).
سونداي-اق قازاقستاندا تۇركيالىق كاسىپورىندار دا كوپ: 2,44 مىڭ. تۇرىك كومپانيالارى كوبىنەسە ساۋدا, قۇرىلىس جانە ءوندىرىس سالاسىندا ەڭبەك ەتەدى. قازاقستانداعى شەتەلدىك كومپانيالاردىڭ سانى بويىنشا العاشقى ۇشتىككە قىتاي كىرەدى: 1,24 مىڭ كاسىپورىن. سونىڭ 1,20 مىڭى شاعىن كومپانيالار, 16-سى ورتاشا جانە 20-سى ءىرى كومپانيالار.
