وبلىستىق پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, 12 قازاندا ساعات 01:00-دە يسيناليەۆ كوشەسى, 58 مەكەنجايىنداعى "اراي" ساۋدا ءۇيىنىڭ ورتەنىپ جاتقانى تۋرالى حابار كەلىپ تۇسكەن. ءورت 1500 شارشى مەتردى شارپىعان.
"ەكى ماگيسترالدى جەلى تارتىلدى. ءورت 04:15-تە اۋىزدىقتالىپ, 04:55-تە ءسوندىرىلدى. ءورتتىڭ الدىن الا سەبەبى – جارىقتاندىرۋ قالقانىنداعى قىسقا تۇيىقتالۋ. كەلگەن شىعىن كولەمى انىقتالۋدا", دەپ ءتۇسىندىردى ۆەدومستۆو.
وقيعا ورنىنا جەكە قۇرامنىڭ 77 ادامى 16 كولىكپەن كەلگەن. قازا تاپقاندار مەن زارداپ شەككەندەر جوق.
