2020 جىلعى 6 قازانداعى سولتۇستىك قازاقستان وبلىسىنىڭ اۋماعىندا كوروناۆيرۋستىق ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى سولتۇستىك قازاقستان وبلىسى اكىمدىگى جانىنداعى وڭىرلىك كوميسسيا وتىرىسىنىڭ حاتتاماسىنا سايكەس كوروناۆيرۋستىق ينفەكتسيانى جۇقتىرۋدىڭ 3-5 جانە ودان دا كوپ فاكتىلەرى بولعان جاعدايدا اۋىلدىق ەلدى مەكەندەردە, 7 جانە ودان دا كوپ جۇقتىرۋ فاكتىلەرى بولعان جاعدايدا اۋدان ورتالىقتارىندا كارانتين رەجىءمى ەنگىزىلەدى.
سولتۇستىك قازاقستان وبلىسى ماعجان جۇماباەۆ اۋدانى اكىمدىگى جانىنداعى توتەنشە جاعدايلاردىڭ الدىن الۋ جانە جويۋ جونىندەگى كوميسسيا وتىرىسىنىڭ حاتتاماسى نەگىزىندە "بۋلاەۆ قالاسىنىڭ اۋماعىندا شەكتەۋ ءىس-شارالارىن ەنگىزۋ تۋرالى" م.جۇماباەۆ اۋدانىنىڭ مەملەكەتتىك سانيتارلىق دارىگەرىنىڭ قاۋلىسى قابىلداندى.
وسى قاۋلىمەن 2020 جىلدىڭ 9 قازانداعى 10 ساعات 00-دەن باستاپ بۋلاەۆ قالاسىندا كاسىپكەرلىك جانە وزگە دە قىزمەت پەن حالىقتىڭ ءومىرىنىڭ ەرەكشە شارتتارىمەن شەكتەۋ شارالارى ەنگىزىلدى.
بۋلاەۆ قالاسىنا كىرۋ مەن شىعۋ ورىندارىندا COVID-19 كوروناۆيرۋستىق ينفەكتسياسىنىڭ تارالۋىنا جول بەرمەۋ ماقساتىندا ترانزيتتىك جۇك اۆتوكولىگىن, سونداي-اق حالىقتىڭ مۇقتاجدىقتارى ءۇشىن ازىق-ت ۇلىك, اۋىل شارۋاشىلىعى جانە وزگە دە تاۋارلارى بار جۇك اۆتوكولىكتەرىنە تىيىم سالۋدى باقىلاۋ ءۇشىن 4 پوليتسيا بەكەتى ورناتىلدى. بۇلار تەك مەديتسينالىق كولىكتەردىڭ كىرىپ-شىعۋىن رەتتەمەيدى.
بۋلاەۆ قالاسىنىڭ تۇرعىندارى پاتەرلەردەن نەمەسە ۇيلەرىنەن شىعۋدى ساعات 22:00 - دەن 6:00-گە دەيىن شەكتەۋى كەرەك. قالعان ۋاقىتتا جاقىن دۇكەنگە, دارىحاناعا جانە جۇمىسقا عانا بارۋعا بولادى. جۇمىسقا جانە مەديتسينالىق كومەككەۋعا شەكتەۋ جوق. الايدا كورشىلەردىڭ, تانىستاردىڭ, تۋىستاردىڭ, ارىپتەستەردىڭ كەلۋىنە تىيىم سالىنادى. ساعات كەشكى جەتىدەن كەيىن كامەلەتكە تولماعانداردىڭ ەرەسەكتەردىڭ قاراۋىنسىز جۇرۋىنە شەكتەۋلەر قويىلادى. 65 جاستان اسقان ازاماتتارعا ءوزىن-ءوزى وقشاۋلاۋ رەجءىءمىن ساقتاۋ قاجەت.
بۇل اۋدان رەسەي فەدەراتسياسىنىڭ ومبى وبلىسىمەن شەكتەسەتىن. جامان ىندەتتى سول جاقتان كەلگەن جولاۋشىلار مەن جۇرگىنشىلەر اكەلۋى مۇمكىن دەگەن بولجام بار.
كارانتين رەجىمىنىڭ قاي ۋاقىتقا دەيىن سوزىلاتىنى انىقتالماعان. حالىق قازىر مۇندايعا نارازىلىق ءبىلدىرۋدى قويعان. وزدەرى ءۇشىن ەكەنىن ءبارى دە ۇعىپتى. حالقىمىزدىڭ سانالى, ەستى بولعانىنا نە جەتسىن.
سولتۇستىك قازاقستان وبلىسى
