ءىس-شارا كورەيا رەسپۋبليكاسىنىڭ ۇلتتىق مەرەكەسى – مەملەكەت قۇرىلعان كۇنىنە ورايلاستىرىلدى, ال جوبانىڭ ءوزى كورەيا ۇلتتىق كىتاپحاناسىنىڭ باستاماسىمەن جانە الماتى قالاسىنداعى كورەيا رەسپۋبليكاسىنىڭ باس كونسۋلدىعىنىڭ قولداۋىمەن جۇزەگە اسىرىلدى. ونىڭ اياسىندا كىتاپحانادا ارنايى وقۋ زالى جابدىقتالدى, وندا كەلۋشىلەر كورەي جازۋشىلارىنىڭ شىعارمالارىمەن تانىسىپ, كورەي ۇلتتىق قولدانبالى ونەرىنىڭ پاندەرىن تاماشالاي الادى.
الماتى قالاسىنداعى ءسىم وكىلدىگىنىڭ باسشىسى ەرلان ىسقاقوۆ العى ءسوز سويلەپ, حالىقتارىمىزدىڭ اراسىندا شىنايى دوستىق قارىم-قاتىناس ورناعانىن ايتتى. قازىرگى ۋاقىتتا قازاقستانداعى كورەي دياسپوراسى ەكى ەل اراسىنداعى «جاندى كوپىر» عانا ەمەس, سونىمەن قاتار ەكىجاقتى قارىم-قاتىناستاردى دامىتۋداعى بەلسەندى ەلەمەنت بولىپ تابىلادى, ال ساياسي جانە ەكونوميكالىق بايلانىستار جىلدان جىلعا نىعايىپ كەلەدى. ديپلومات, سونداي-اق ءورشىپ بارا جاتقان ىندەت شىڭىنا گۋمانيتارلىق جۇك تۇرىندە قازاقستانعا جان-جاقتى كومەك كورسەتكەن كورەي كومپانيالاردىڭ ۇلەسىن اتاپ ءوتىپ, كورەيا رەسپۋبليكاسىنىڭ ازاماتتارىن ۇلتتىق مەرەكەسىمەن قۇتتىقتادى.
قازاقستاننىڭ ۇلتتىق كىتاپحاناسى ءۇشىن بۇل پرەزەنتاتسيا العاشقى ءىس-شارا ەمەس. ماسەلەن, 1994 جىلى اباي شىعارمالارىنىڭ كورەي تىلىندەگى باسىلىمى ۇسىنىلدى, ال 2004 جىلدان باستاپ ونىڭ قابىرعالارىندا رەسەي, قىتاي, پاكىستان, تۇركيا, ءۇندىستان جانە يراننىڭ كىتاپ بۇرىشتارى تابىستى جۇمىس ىستەپ, دامىپ كەلەدى. مۇنداي تاجىريبەنى ەنگىزۋ ەلدەرىمىز اراسىنداعى مادەني-اقپاراتتىق ىنتىماقتاستىقتى نىعايتۋدا ىنتالاندىرۋشى فاكتور بولىپ تابىلادى.
