"2020 جىلدىڭ 1 قاڭتارىنان باستاپ قازاقستاندا ءمامس جۇيەسى ىسكە قوسىلدى. كەز-كەلگەن ازامات ءمامس جۇيەسىندەگى ءوزىنىڭ ساقتاندىرۋ مارتەبەسىن انىقتاپ الۋى كەرەك. مىسالى, ادامعا قانداي دا ءبىر سىرقات بويىنشا دياگنوز قويىلعان جاعدايدا جانە وعان مەديتسينالىق كومەك قاجەت بولدى. ەگەر ول ساقتاندىرىلماعان بولسا, وندا بۇل ادامعا قۇرامىنا ۋچاسكەلىك دارىگەر, جەدەل كومەك, شۇعىل ستاتسيونارلىق كومەك, الەۋمەتتىك ماڭىزى بار اۋرۋلار كەزىندە كورسەتىلەتىن مەديتسينالىق كومەك تۇرلەرى كىرەتىن تەگىن مەديتسينالىق كومەكتىڭ كەپىلدىك بەرىلگەن كولەمى (تمككك) قولجەتىمدى بولادى. ال ءمامس پاكەتى بويىنشا بەرىلەتىن مەديتسينالىق كومەك تۇرلەرى تەك ساقتاندىرىلعان ازاماتتارعا عانا قولجەتىمدى. وسىلايشا ەگەر ءسىز ءمامس جۇيەسىندە ءوزىڭىزدىڭ ساقتاندىرۋ مارتەبەڭىزدى انىق بىلسەڭىز, 2020 جىلدان باستاپ وزىڭىزگە قاجەتتى بارلىق مەديتسينالىق قىزمەتتەر سپەكترىن الا الاسىز. سوڭعى مالىمەتكە سايكەس ءبىزدىڭ وبلىستا 293 مىڭنان استام ادام ساقتاندىرىلماعان. ءبىزدىڭ ماماندار وسى تۇرعىدا تۇرعىندارعا ءتۇسىندىرۋ جۇمىستارىن جۇرگىزۋدە", دەدى "الەۋمەتتىك مەديتسينالىق ساقتاندىرۋ قورى" كەاق شقو بويىنشا فيليالىنىڭ ديرەكتورى عالىمجان ءابىلوۆ.
سونىمەن قاتار عالىمجان ءابىلوۆ تەلەگرام بوت (@SaqtandyryBot) جانە Qoldau 24/7 ءموبيلدى قوسىمشاسى ارقىلى ءمامس سالاسىنا قاتىستى كەز-كەلگەن اقپاراتتى الۋعا بولاتىنان اتاپ ءوتتى.
