"ۋكراينا قازاقستاننىڭ ماڭىزدى سەرىكتەستەرىنىڭ ءبىرى. ەكى ەل اراسىنداعى قارىم-قاتىناس ءوزارا ىنتىماقتاستىققا جانە دوستىققا نەگىزدەلگەن. ءبىزدىڭ ەلدەرىمىزدىڭ مادەني-گۋمانيتارلىق بايلانىسى دا دايەكتى تۇردە دامىپ كەلەدى. الداعى ۋاقىتتا ءوزارا قارىم-قاتىناستى ودان ءارى نىعايتۋعا ەكى مەملەكەت تە مۇددەلى. وسى تۇرعىدان كەلگەندە, بۇگىن قابىلدانىپ وتىرعان زاڭ قۇقىق قورعاۋ سالاسى بويىنشا ىنتىماقتاستىقتى ارتتىرۋعا مۇمكىندىك بەرەدى دەپ سەنەمىز", دەدى سەنات توراعاسى.
شارتتا قىلمىستىق ىستەر بويىنشا قۇقىقتىق كومەك راسىمدەرى, سۇراۋ سالۋدىڭ نىسانى مەن مازمۇنى, بەرۋ شارتتارى, كومەك كورسەتۋدەن باس تارتۋ ءۇشىن نەگىزدەر جازىلعان.
"شارتتى راتيفيكاتسيالاۋ كۇدىكتىلەر مەن ايىپتالۋشىلاردىڭ قىلمىس جاساۋداعى كىناسىن دالەلدەۋگە باعىتتالعان ءىس-ارەكەتتەردى كەشەندى جۇرگىزۋگە ىقپال ەتەتىن بولادى, سونداي-اق قازاقستان مەن ۋكراينانىڭ قۇزىرەتتى ورگاندارىنىڭ تىكەلەي ءوزارا ءىس-قيمىل جاساۋعا وكىلەتتىك بەرەدى", دەدى سەناتور نۇرلان بەكنازاروۆ.
وسى شارتتى راتيفيكاتسيالاۋ ۋكراينا تاراپىمەن قىلمىستىق-قۇقىقتىق سالاداعى ەكىجاقتى شارتتاردىڭ تولىق توپتاماسىن جاساقتاۋدى اياقتادى.
سونىمەن قاتار دەپۋتاتتار سەنات وتىرىسىندا بىرقاتار ساۋالداردى جاريا ەتتى. دەپۋتات ءالي بەكتاەۆتىڭ ساۋالىندا "اۋىل-ەل بەسىگى" مەملەكەتتىك باعدارلاماسىن ىسكە اسىرۋداعى پروبلەمالار ايتىلدى. دەپۋتات اقىلبەك كۇرىشباەۆتىڭ ساۋالى اگروونەركاسىپ كەشەنى بويىنشا ستاتيستيكانى جەتىلدىرۋ ماسەلەلەرىنە قاتىستى بولدى. دينار نوكەتاەۆا سيرەك كەزدەسەتىن اۋرۋلارى بار ادامداردى دارىلىك زاتتارمەن قامتاماسىز ەتۋ تۋرالى جانە ۋاكىلەتتى ورگاننىڭ تىركەۋىنسىز ەلگە اكەلىنگەن دارىلىك زاتتاردى وتكىزۋدى رەتتەۋ تۋرالى ساۋالىن جاريا ەتتى. دەپۋتات ءابدالى نۇراليەۆ سۋارمالى جەرلەردى سۋمەن قامتاماسىز ەتۋگە بايلانىستى ماسەلەلەردى قوزعادى. سەناتور رىسقالي ابدىكەروۆ "كىتاپحانا ءىسى تۋرالى" زاڭ جوباسىن ازىرلەۋ قاجەتتىگى تۋرالى ساۋال جولدادى. دەپۋتات سۇيىندىك الداشەۆتىڭ ساۋالى 2025 جىلعا دەيىن سالىنۋعا ءتيىس "بەينەۋ-شالقار" اۆتوموبيل جولىنىڭ قۇرىلىسىنا قاتىستى بولدى. سەناتور ءالىمجان قۇرتاەۆ ءوز ساۋالىندا ماقتا باعاسىن رەتتەۋ ماسەلەسىنە نازار اۋداردى.
