سەنات دەپۋتاتى جەرگىلىكتى اكىمدەردىڭ جۇمىسىن باعالاۋدى ستاتيستيكا دەرەكتەرىنە تاۋەلدى ەتۋ اۋىلداعى جاعداي تۋرالى جالعان اقپارات بەرۋگە جول اشاتىنىن ايتتى. سونىمەن قاتار ول مال شارۋاشىلىعىندا جانۋارلار تۋرالى مالىمەتتەردى بۇرمالاۋ سۋبسيديالاردى زاڭسىز الۋعا مۇمكىندىك تۋعىزاتىنىنا نازار اۋدارىپ, وسى ماسەلەلەرگە قاتىستى بىرنەشە ۇسىنىسىن جەتكىزدى.
"بىرىنشىدەن, ەگىن شارۋاشىلىعىنىڭ جاي-كۇيى تۋرالى وبەكتيۆتى دەرەكتەر الۋ ءۇشىن تسيفرلاندىرۋ مۇمكىندىكتەرىن بارىنشا پايدالانۋ كەرەك. مەنىڭ ويىمشا, اۋىل شارۋاشىلىعىنىڭ تسيفرلاندىرۋ ماسەلەسىمەن ەسەپ كوميتەتى مۇقيات اينالىسۋى قاجەت. ەكىنشىدەن, مال شارۋاشىلىعىندا ادامي فاكتور ىقپالىن تولىقتاي جويا وتىرىپ, جانۋارلاردى ەسەپكە الۋ مەن ۆەتەرينارلىق قۇجاتتامانى جۇرگىزۋدىڭ بۇكىل جۇيەسىن تسيفرلىق فورماتقا كوشىرۋ اسا ماڭىزدى", – دەدى اقىلبەك كۇرىشباەۆ.
وكىنىشكە قاراي, بۇل تۇرعىدا اۋىل شارۋاشىلىعى مينيسترلىگى تاراپىنان ءالى كۇنگە دەيىن ەشقانداي شارالار قابىلدانعان جوق.
