سولتۇستىك قازاقستان وبلىسىندا پرايمەريزگە 632 ادام قاتىستى, ولار ءبىر اي بويى ۇگىت ناۋقانى بارىسىندا وڭىردەگى الەۋمەتتىك-ەكونوميكالىق جاعدايدىڭ جاقسارعانى تۋرالى ءوز ويلارىن ايتتى. پەتروپاۆلدا 106 ۇمىتكەر تىركەلدى. وبلىس بويىنشا ۇمىتكەرلەر سايلاۋشىلارمەن 6 500 – گە جۋىق كەزدەسۋ وتكىزىپ, 123 500 ادام قامتىلدى, وبلىس ورتالىعىندا 700-دەن استام كەزدەسۋ ءوتتى. كەزدەسۋلەر بارىسىندا ۇمىتكەرلەر پارتيا مۇشەلەرىنەن 1200-گە جۋىق تاپسىرىستار جينادى.
قۇمار اقساقالوۆ اتاپ وتكەندەي, حالىقتى تولعاندىراتىن تاقىرىپتارعا توپ-5 ماسەلەلەرگە تۇرعىن ءۇيدىڭ قولجەتىمدىلىگى, جولداردى جوندەۋ, الەۋمەتتىك قولداۋ, سونداي-اق دەنساۋلىق ساقتاۋ جانە ءبىلىم بەرۋ دەڭگەيىن ارتتىرۋ ماسەلەلەرى كىردى. بارلىق ايتىلعان ماسەلەلەر مەن ۇسىنىستار پارتيانىڭ سايلاۋالدى باعدارلاماسىندا كورىنىس تابادى.
"ارينە, اركىمنىڭ ءوز ءۇمىتى بولدى. بىرەۋ جەڭىسكە قۋانادى, بىرەۋ وسى كەزەڭدە العا قويعان ماقساتتارىنا جەتە المادى. جالپى, مەنىڭ ويىمشا, مۇندا جەڭىمپازدار مەن جەڭىلگەندەر جوق. بارلىعى جەڭدى. سىزدەر ءۇشىن پرايمەريز سىناقتىڭ ءبىر ءتۇرى بولدى. سىزدەردىڭ ارقايسىڭىزعا بەلسەندىلىكتەرىڭىز بەن جەمىستى جۇمىستارىڭىز ءۇشىن العىس ايتقىم كەلەدى", - دەدى پارتيا ايماقتىق فيليالىنىڭ توراعاسى.
"Nur Otan" پارتياسى پەتروپاۆل قالالىق فيليالىنىڭ 100-گە جۋىق پرايمەريز قاتىسۋشىلارى العىس حاتتارمەن ماراپاتتالدى. ۇزدىك شىققان ۇمىتكەرلەر جەتى ارنايى نوميناتسيا بويىنشا گراموتالارمەن ماراپاتتالدى. داۋىس بەرۋ كۇندەرى پرايمەريزگە قاتىسۋشىلار ءۇشىن پارتيا مۇشەلەرىنىڭ 91,2% ءوز داۋىستارىن بەردى. ونلاين داۋىس بەرۋدى 18 مىڭنان استام ادام پايدالاندى. بيۋللەتەندەر ارقىلى ءوڭىردىڭ 7,5 مىڭ نۇروتاندىق داۋىس بەردى.
