قازاق ءۆالسىنىڭ كورولى ءشامشى قالداياقوۆ پەن بەلگىلى كۇيشى نۇرعيسا تىلەنديەۆتىڭ مەرەيتويلارىنا وراي قازاننىڭ 9-ى كۇنى وتەتىن «جۇرەگىم مەنىڭ» ءان كەشىندە دينا حامزينا, ازامات جىلتىرگوزوۆ, جانات شىبىقباەۆ, الفيا كاريموۆا, ايزادا قاپونوۆا, تالعات عالەەۆ, مەيى باينەش, بيبىگۇل جانۇزاق, ءمادينا يسلاموۆا, سالتانات مۇراتبەكوۆا, تاتيانا ۆيتسينسكايا, بەيىمبەت تاڭارىقوۆ سياقتى تاعى دا باسقا تانىمال ونەر شەبەرلەرى قاتىسۋىمەن كومپوزيتورلاردىڭ «التىن قورداعى» جاۋھار تۋىندىلارى ورىندالادى.
باعدارلاما بويىنشا سونداي-اق «Dolce» سكريپكاشىلار ءانسامبلى مەن تەاتردىڭ بالالار ستۋدياسىنىڭ جاس ارتىستەرى ونەر كورسەتەدى. (جەتەكشىسى – التىنعانىم احمەتوۆا, كونتسەرتمەيستەرلەرى – راۋشان بەسكەمبيروۆا, جانار احمەتوۆا, يرينا كۋرگۋزكينا).
بالالارعا ارنالعان «ىشەكتى اسپاپتار وتباسى» كونتسەرتى قازاننىڭ 11-ىنە جوسپارلانىپ وتىر. مۇندا مۋزىكالىق شىعارمالارمەن قاتار, «استانا وپەرا» وركەسترىنىڭ ارتىستەرى مەن مۋزىكاتانۋشى ساۋلە ماۋلەتوۆا بالاۋسا تىڭدارماندارعا ىشەكتى اسپاپتار ءۇنى مەن ۇلى كومپوزيتورلاردىڭ شىعارمالارى تۋرالى ايتىپ بەرەدى.
قازان ايى مۇنان دا باسقا تىڭ جوبالارعا تولى. «قازاقكونتسەرت شاقىرادى» توپتاماسىنان ەلوردالىق انقۇمار قاۋىم نازارىنا ع. جۇبانوۆا اتىنداعى مەملەكەتتىك ىشەكتى اسپاپتار كۆارتەتى ورىنداۋىندا «بەتحوۆەنگە تارتۋ», تەاتردىڭ تالانتتى جاس سوليستەرى, كوپتەگەن ايتۋلى حالىقارالىق بايقاۋلاردىڭ لاۋرەاتتارى قاتىسۋىمەن «استانا وپەرانىڭ» جاڭا ەسىمدەرى اتتى مادەني شارالار ۇسىنىلماق.
سوپرانو نازىم ساعىنتاي دج.ۆەرديدىڭ «ترۋبادۋر» وپەراسىنان – لەونورانىڭ, دج.ءپۋچچينيدىڭ «مادام باتتەرفلياي» وپەراسىنان – چيو-چيو-ساننىڭ, مەتستسو-سوپرانو ماليكا مينيزيني پ.چايكوۆسكيدىڭ «ەۆگەني ونەگين» وپەراسىنان – ولگانىڭ, ش.گۋنونىڭ «فاۋست» وپەراسىنان زيبەلدىڭ اريالارىن شىرقايدى. تەنور رامزات بالاكيشيەۆ ج.ماسسنەنىڭ «ۆەرتەر» وپەراسىنان –ۆەرتەردىڭ اريوزوسىن جانە ك.پەپوليدىڭ ولەڭىنە جازىلعان دج.ءروسسينيدىڭ –نەوپوليتان تارانتەللاسىن, باريتون ەرجان سايىپوۆ ۆ.ا.موتسارتتىڭ وسى اتتاس وپەراسىنان – دون جۋاننىڭ, پ.چايكوۆسكيدىڭ «ەۆگەني ونەگين» وپەراسىنان ونەگيننىڭ اريالارىن, ال باس داۋىستى شىڭعىس راسىلحان قازاقتىڭ حالىق ءانى «قاراتورعايدى», دج. ءروسسينيدىڭ «سەۆيل شاشتارازى» وپەراسىنان دون بازيليونىڭ ارياسىن ورىندايدى.
سونداي-اق گ.دونيتسەتتيدىڭ «دون پاسكۋالە» وپەراسىنان – مالاتەستا مەن دون پاسكۋالەنىڭ, دج.ءپۋچچينيدىڭ «بوگەما» وپەراسىنان رۋدولف پەن ءميميدىڭ جارقىن دۋەتتەرى مۋزىكالىق كەشتىڭ ءارىن كىرگىزەتىن بولادى, ە. دە كۋرتيستىڭ – «Ti voglio tanto bene», ج.وففەنباحتىڭ «گوفمان ەرتەگىلەرى» وپەراسىنان – باركارولا, «دني تۋربينىح» تەلەفيلمىنەن – ۆ. باسنەردىڭ «بەلوي اكاتسي گروزديا دۋشيستىە» جانە ا.جۇبانوۆ پەن ل.ءحاميديدىڭ «اباي» وپەراسىنان اتاقتى «تويباستار» ورىندالماق.
تەاتردىڭ جاس كورەرمەندەرى ءۇشىن كۇزدەگى تاعى ءبىر تارتۋ – «تەاترعا ساياحات» توپتاماسىنان قازاق تىلىندە وتەتىن ء«تۇرلى داۋىستار الەمى» اتتى كونتسەرت. بالالاردى وپەرا ونەرىنىڭ قىر-سىرىمەن تانىستىرۋ كەشىن مۋزىكاتانۋشى تولەگەن نازاربەكوۆ, تەاتردىڭ تانىمال سوليستەرى, سونداي-اق «استانا وپەرا» تەاترى بالالار ستۋدياسىنىڭ حورى, بالالار حورىنىڭ جەتەكشىسى التىنعانىم احمەتوۆا وتكىزەدى. فورتەپيانو پارتياسىن راۋشان بەسكەمبيروۆا ورىندايدى. مۇندا بالالارعا سوپرانودان باستاپ باسقا دەيىنگى وپەرالىق داۋىستاردىڭ بارلىق ءتۇرى بويىنشا قىزىقتى اڭگىمە وربىتىلەدى. كلاسسيكالىق ۆوكالدىق شىعارمالاردان تانىمال اريالار مەن دۋەتتەر ورىندالادى. تەاتر مۋزىكاتانۋشىلارى ازىرلەگەن بۇل باعدارلامانىڭ باستى ماقساتى بالالاردى كلاسسيكالىق مۋزىكاعا باۋلۋ, تەاتر ونەرىنىڭ ءىنجۋ-مارجانىمەن سۋسىنداتۋ, وزىق مادەنيەتكە تاربيەلەۋ بولىپ تابىلادى.
