اتىراۋ گارنيزونىنىڭ جەكە قۇرامى جاۋىنگەرلىك دابىل بويىنشا كوتەرىلدى. «التىن جەبە-2020» ارنايى وپەراتسيالار كۇشتەرىن كەشەندى تەكسەرۋ شەڭبەرىندە اسكەري قىزمەتشىلەر مارش لاقتىرىپ, قويان-قولتىق ۇرىسقا شىقتى. ارميالىق تاكتيكالىق وق اتۋلار وتكىزىلىپ, كۇندىزگى جانە تۇنگى ۋاقىتتا ارتيللەريا اتىسىن تۇزەتۋ جانە ارميالىق اۆياتسيانى باعىتتاۋ جونىندەگى مىندەتتەردى ورىندادى. سونداي-اق, ولار اسكەري توپوگرافيا, ديۆەرسيالىق ءىس, رادياتسيالىق, حيميالىق جانە بيولوگيالىق قورعاۋ, مەديتسينالىق دايىندىق بويىنشا ارنايى نورماتيۆتەردى تاپسىردى.
سونىمەن قاتار, سەمەي گارنيزونىندا ارنايى بولىمشەلەردى تەكسەرۋ اياقتالدى. تۇنگى ۋاقىتتا 300-دەن استام اسكەري قىزمەتشى دابىل بويىنشا كوتەرىلدى. ولار جاۋىنگەرلىك ماقساتتاعى ايماققا ون شاقىرىمدىق شەرۋ جاسادى. وندا كۇشتەر مەن قۇرالداردى قولدانۋدى ۇيىمداستىرۋ ماسەلەلەرى پىسىقتالىپ, ارنايى وقۋ-جاۋىنگەرلىك مىندەتتەر ورىندالدى. اسكەرلەردىڭ ارەكەتتەرىن ۇشقىشسىز ۇشۋ اپپاراتتارى مەن راديوتەحنيكالىق قۇرالدار باسقاردى.
وڭىرلەردەگى تەكسەرۋدىڭ نەگىزگى كەزەڭدەرى باس شتاب باستىعى گەنەرال-لەيتەنانت مۇرات بەكتانوۆتىڭ جەكە باقىلاۋىندا.
