«ماسەلەن, ازىق-ت ۇلىك تاۋارلارى كولەمىنىڭ 64 پايىزى, ازىق-ت ۇلىك ەمەس تاۋارلار كولەمىنىڭ 73 پايىزى, تەحنيكاعا قاجەتتى بولشەكتەردىڭ 81 پايىزى جانە قۇرىلىس ماتەريالدارىنىڭ 85 پايىزى بازارلاردان ساتىپ الىنادى», دەيدى ول.
بىراق, وبلىس اكىمى بەردىبەك ساپارباەۆ بازار يەلەرىمەن بولعان كەزدەسۋدە وڭىردەگى بازارلاردىڭ جۇمىسىن سىنعا الدى. «بىردە-ءبىر بازار بەلگىلەنگەن تالاپتارعا تولىق سايكەس كەلمەيدى. قابىلدانعان شارالار ساتىپ الۋشىلاردىڭ دا, ساۋداگەرلەردىڭ دە قاۋىپسىزدىگىن قامتاماسىز ەتۋ ءۇشىن جەتكىلىكسىز», دەدى. ءوز سوزىندە بەردىبەك ساپارباەۆ بارلىق بازارلار ورتكە قارسى, ساۋلەتتىك, سانيتارلىق, ەكولوگيالىق جانە باسقا دا تالاپتارعا ساي بولۋى ءتيىس ەكەنىن, بىراق بىردە-ءبىر بازار يەسى بۇعان ناقتى جاۋاپ بەرە المايتىنىن ايتتى. «ساۋدا اشىق جەردە جۇرگىزىلۋدە, ءورت گيدرانتتارى كورىنبەيدى, ءورت ءسوندىرۋ ماشينالارى ەركىن وتە المايدى. بازار يەلەرى ساتىپ الۋشىلار مەن ساۋداگەرلەرگە دە جايلى جانە قاۋىپسىز جاعداي جاساۋدى ويعا دا المايدى. ال, مەملەكەتتىك ورگاندار ەشقانداي ماسەلە جوق سەكىلدى بەيقام, ءتىپتى, بۇل جاعدايداعى ءتارتىپتى رەتتەۋگە تىرىسپايدى», دەدى بەردىبەك ساپارباەۆ. سوڭعى ەكى جىلدا «نۇرلى», «ىستى», «سالتانات», «قايقارمەت», «ارزان», «اۋىل بەرەكە» جانە «جىبەك جولى» سياقتى جەتى بازار جاڭعىرتىلىپ, جابىق پاۆيلوندار ورناتىلىپ, قاقپالار قويىلعان. الايدا اكىم بۇل شارالارمەن توقتاپ قالۋعا بولمايتىندىعىن ايتىپ, جاڭعىرتۋ جۇمىستارىن سوڭىنا دەيىن جەتكىزۋدى تاپسىردى. وسىنداي جۇمىستار باسقا دا بازارلاردا جۇرگىزىلۋدە ەكەن. بىراق, ولاردىڭ يەلەرى ۋاقىتتى سوزىپ, ءالى كۇنگە دەيىن جاڭا ساۋدا قاتارلارىنىڭ ەسكيزدەرىن ۇسىنباعان. كوپتەگەن كاسىپكەرلەر قاراجاتتىڭ جوقتىعىنا شاعىمدانىپ, مودەرنيزاتسيالاۋ جۇمىستارى ەكى-ءۇش جىلدا اياقتالاتىندىعىن جەتكىزدى. بۇل رەتتە بەردىبەك ساپارباەۆ ەشقانداي سىلتاۋدىڭ قابىلدانبايتىنىن, بارلىق بازارلار تەزىرەك رەتكە كەلتىرىلۋى كەرەك ەكەنىن ايتتى.
اكىمنىڭ ايتۋىنشا, وبلىستاعى توتەنشە جاعدايلار جانە مەملەكەتتىك كىرىستەر دەپارتامەنتتەرى بۇل جاعدايلارعا باس اۋىرتپايدى. وبلىس اكىمىنىڭ تاپسىرمالارىنىڭ ورىندالۋىن ارنايى ءموبيلدى توپ قاداعالاپ وتىرۋى ءتيىس. توپ قۇرامىنا جوعارىدا اتالعان دەپارتامەنتتەر مەن سالالىق باسقارما وكىلدەرىنەن بولەك, پوليتسيا قىزمەتكەرلەرى, سانيتارلىق دارىگەرلەر مەن ساۋلەتشىلەر ەنەدى. جيىنعا بەينەبايلانىس رەجيمىندە قاتىسقان تاراز قالاسى مەن اۋدانداردىڭ اكىمدەرىنە دە وسى ماسەلەلەردى شەشۋ بويىنشا جۇمىس جۇرگىزۋ تاپسىرىلدى. سونىمەن قاتار, باسقوسۋدا اكىم ازىق-ت ۇلىك قاۋىپسىزدىگى ماسەلەسىن دە اتاپ ءوتتى. «تۇراقتاندىرۋ قورىنىڭ قويمالارىندا ءونىمدى ساقتاۋعا قاتىستى بارلىق ماسەلەلەردى كوكتەمدە شەشۋ قاجەت ەدى. سوندا ءتيىستى ۆەدومستۆو بۇگىنگى باعالاردىڭ ءوسۋىن بولدىرماۋ ءۇشىن بىرنەشە مىڭ توننا اۋىلشارۋاشىلىق ونىمدەرىن ساتىپ الار ەدى. ديقاندار مول ءونىم جينادى. بىراق ولاردى ساقتايتىن ورىن جوق. سوندىقتان ونىمدەر قازىر باسقا ايماقتارعا ارزان باعادا ساتىلۋدا. ال, ىشكى نارىق تولىعىمەن قامتىلدى دەپ ايتا المايمىز. اۋىل شارۋاشىلىعى باسقارماسى جاعدايدى باقىلاي الماي وتىر», دەدى اكىم. سونداي-اق, ول باعانىڭ تۇراقتىلىعىن باقىلاۋمەن قاتار, دەلدالدارعا قاتىستى ماسەلەنى دە شەشۋدى تاپسىردى.
جامبىل وبلىسى
