تاراپتار قازاقستان رەسپۋبليكاسى مەن بەلارۋس رەسپۋبليكاسى اراسىنداعى ساۋدا-ەكونوميكالىق ىنتىماقتاستىقتىڭ اعىمداعى جاعدايىن تالقىلادى, سونداي-اق ساۋدا-ەكونوميكالىق ىنتىماقتاستىق جونىندەگى قازاقستان – بەلارۋس ۇكىمەتارالىق كوميسسياسىنىڭ (باستاماشى – بەلارۋس تاراپى) كەزەكتى وتىرىسىنا دايىندىق شەڭبەرىندە وزدەرىنىڭ جۇمىسىن ۇيلەستىردى.
ەكى تاراپ ءۇشىنشى ەلدەردىڭ نارىقتارىنا شىعۋ ءۇشىن ەكونوميكالىق ينتەگراتسيانى تەرەڭدەتۋگە جانە ىنتىماقتاستىققا قىزىعۋشىلىق ءبىلدىردى.
ء"بىزدىڭ الدىمىزعا مەملەكەتتەرىمىزدىڭ پرەزيدەنتتەرى قويعان باستى مىندەت – ونەركاسىپتىك كووپەراتسيانى كۇشەيتۋ. وسى سالادا نەعۇرلىم تىعىز ىنتىماقتاستىق ورناتۋ قاجەت. ونىڭ ۇستىنە, قازاقستان مەن بەلارۋس اراسىندا مۇنداي كووپەراتسيانىڭ جاقسى مىسالدارى بار", دەدى باقىت سۇلتانوۆ.
تاراپتار وڭىرارالىق ىنتىماقتاستىقتى دا تالقىلادى.
