باستاۋىش ۇيىمدار توراعالارى باس قوستى

اقتوبەدە “نۇر وتان” حدپ وبلىستىق فيليالى باستاۋىش پارتيا ۇيىمدارى توراعالارىنىڭ فورۋمى ءوتتى. وعان پارتيانىڭ وبلىستىق فيليالى باس­شىلارى, باستاۋىش ۇيىمدار توراعالارى, وبلىستىق جانە قالالىق ءماسليحاتتار دەپۋتاتتارى, وبلىستىق دەپارتامەنتتەر مەن باسقارمالار, كاسىپورىندار مەن مەكەمەلەر باسشىلارى, “جاس وتان” جاستار قاناتىنىڭ بەلسەندى مۇشەلەرى قاتىستى. فورۋمدا پارتيانىڭ 2009-2012 جىلدارعا ارنالعان ءىس-قيمىل ستراتەگياسىن جۇزەگە اسىرۋ بارىسىندا بەلسەندى ءىس-قيمىل تانىتىپ جۇرگەن پارتيانىڭ باستاۋىش ۇيىمدارى اراسىندا وتكىزىلگەن كونكۋرس قورىتىندىسى شىعارىلدى. قازانعاپ اتىنداعى ونەر مەكتەبىنىڭ باستاۋىش پارتيا ۇيىمى ءى دارەجەلى ديپلوممەن, “ترانسەنەرگو” اق جانە العاداعى بالالار ءۇيىنىڭ باستاۋىش پارتيا ۇيىم­دارى ءىى  دارەجەلى ديپلوممەن, ال ايتەكە بي اۋدان­دىق  ورتالىق اۋرۋحاناسى مەن مارتوك اۋدانىنداعى قاراتالساي اۋىلدىق وكرۋگى باستاۋىش پارتيا ۇيىمدارى  ءىىى  دارەجەلى ديپلوممەن جانە باعالى سىيلىقتارمەن ماراپاتتالدى.بىرقاتار باستاۋىش پارتيا ۇيىمدارىنا العىس حاتتار تاپسىرىلدى. سودان كەيىن “نۇر وتان” حدپ اقتوبە وبلىستىق فيليالى توراعاسىنىڭ ءبىرىنشى ورىنباسارى ەركەش قاليەۆ “نۇر وتان” حدپ  ءحىى سەزىنىڭ شەشىمدەرىن ورىنداۋ جولىنداعى اقتوبە وبلىستىق فيليالى باستاۋىش ۇيىمدارىنىڭ ءرولى مەن مىندەتتەرى” جايىندا بايانداما جاسادى. فورۋمعا قاتىسقان “نۇر وتان” حدپ يننوۆا­تسيا­لىق كوميتەتىنىڭ توراعاسى ادىلبەك ىسقاق  “پار­تيانىڭ باستاۋىش ۇيىمدارى – ساياسي جۇمىستىڭ وزەگى. ولار العى شەپتە بولۋى كەرەك.پارتيا قۇ­رامىنا كەلسەك, قازىر باستاپقى جىلدارداعىداي سان ماڭىزدى ەمەس, ساپا ءبىرىنشى ورىندا بولۋى قاجەت, –  دەپ وي  ءتۇيدى. جيىندا “نۇر وتان” حدپ اقتوبە وبلىستىق فيليالى باستاۋىش پارتيا ۇيىمدارى ءتور­اعا­لارىنىڭ پارتيالىق جۇمىستى جەتىلدىرۋگە جانە جان­داندىرۋعا بايلانىستى ۇسىنىستارى قابىل­دان­دى. فورۋم جۇمىسىنا وبلىس اكىمىنىڭ ورىنباسارى سارا نۇرقاتوۆا قاتىستى, جيىندى وبلىستىق ءماس­لي­حاتتىڭ حاتشىسى, “نۇر وتان” حدپ وبلىستىق في­ليالىنىڭ توراعاسى بالعالي ورداباەۆ جۇرگىزىپ وتىردى. ساتىبالدى ءساۋىرباي, اقتوبە.