جاقسى ىسكە مۇرىندىق بولعان "حارەكەت" قايىرىمدىلىق قورى ەكەن. اتالعان قوردىڭ وكىلى ازامات مۇقاشەۆ وتباسىنىڭ ەكى بولمەلى ەسكى سامان ۇيدە تۇرىپ جاتقانىن ەستىگەننەن كەيىن, ءوزى باس بولىپ, جاڭا باسپانا الۋعا قاراجات جيناعان. سونىڭ ناتيجەسىندە باكىروۆتەر وتباسى بەس بولمەلى جاڭا ۇيگە قول جەتكىزدى.
جالعىزباستى اكە سەرىك باكىروۆتىڭ ۇلكەن ۇلى جيىرماعا بيىل كەلگەن. كەنجەسى توعىز جاستا.
"قورعا جانە بىزگە قول ۇشىن بەرىپ, كومەكتەسكەندەردىڭ بارلىعىنا راحمەت. ەڭ باستىسى, ءۇيدىڭ جانىندا باۋ-باقشا وسىرەتىن ۇلكەن جەر تەلىمى بار ەكەن. بالالارىم كوكونىس ەگىپ, ەڭبەكتىڭ قادىرىن جاسىنان ءتۇسىنىپ وسەتىن بولدى", – دەيدى قۋانىشى قوينىنا سىيماعان جالعىزباستى اكە.
بۇدان بولەك, وبلىستىق قايىرىمدىلىق قورىنىڭ بولىمشەسى حابارلاعانداي, ىزگى نيەتتى جانداردىڭ كومەگىنىڭ ارقاسىندا بيىل "15 كۇندە 30 ءۇي" اكتسياسى اياسىندا قاراعاندىلىق تاعى دا ءتورت وتباسى قونىس تويىن تويلادى.
قاراعاندى وبلىسى
