ۇكىمەت • 06 قازان، 2020

ۇكىمەت فارماتسەۆتيكالىق ونەركاسىپتى دامىتۋدىڭ 2025 جىلعا دەيىنگى كەشەندى جوسپارىن قابىلدادى

25 رەت كورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەتتىڭ سەلەكتورلىق وتىرىسىندا فارماتسەۆتيكا ونەركاسىبىن دامىتۋدىڭ كەشەندى جوسپارى قارالدى، دەپ حابارلايدى Egemen.kz پرەمەر-ءمينيستردىڭ ءباسپاسوز قىزمەتىنە سىلتەمە جاساپ.

يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ، دەنساۋلىق ساقتاۋ ءمينيسترى ا. تسوي، «حيمفارم» اق ديرەكتورى ا. يسەنوۆا، «Dolce-pharm» جشس كوممەرتسيالىق ديرەكتورى ب. دەمەۋوۆا، قازاقستاننىڭ فارماتسەۆتيكالىق جانە مەديتسينالىق ونىمدەردى وندىرۋشىلەر قاۋىمداستىعىنىڭ اتقارۋشى ديرەكتورى گ. ماناقپاەۆا بايانداما جاسادى.

2020 جىلدىڭ 8 ايىنىڭ قورىتىندىسى بويىنشا قر فارماتسەۆتيكا ونەركاسىبىندەگى ءوندىرىس كولەمى 34،1%-عا 81،5 ملرد تەڭگەگە دەيىن، ينۆەستيتسيالار 5،2%-عا 4،1 ملرد تەڭگەگە دەيىن ءوستى.

بەلگىلى كومپانيالاردىڭ، سونىڭ ىشىندە تۇك قاتىسۋىمەن 41 جوبا ىسكە اسىرىلدى، ولاردىڭ ىشىندەگى ەڭ ىرىلەرى — انتيبيوتيكتەر، الكولويدتار، انتيسەپتيكتەر («حيمفارم» اق، «نوبەل افف» اق، «ابدي يبراحيم گلوبال فارم» جشس)، سونداي-اق جەكە قورعانىش قۇرالدارى مەن حيرۋرگيالىق ماقتا («Kelun Kazpharma» جشس، «قاراعاندى فارماتسەۆتيكالىق كەشەنى» جشس، «Dolce» جشس) ءوندىرىسى بويىنشا جوبالار. 5 مىڭنان استام جۇمىس ورنى اشىلدى. ءدارى-دارمەكتەر مەن مەديتسينالىق بۇيىمداردى ساتىپ الۋداعى وتاندىق وندىرۋشىلەردىڭ ۇلەسى 30%-عا دەيىن ارتتى جانە تۇراقتى تۇردە ءوسىپ جاتىر (5 مىڭنان استام اتاۋ بويىنشا 88 شارت جاسالدى). دۇنيەجۇزىلىك دەنساۋلىق ساقتاۋ ۇيىمىنىڭ باعالاۋى بويىنشا ەلدىڭ دارىلىك قاۋىپسىزدىگى مەنشىكتى فارماتسەۆتيكا ءوندىرىسى بولعان جاعدايدا كەمىندە 30% قامتاماسىز ەتىلەدى، ال قازاقستان 2025 جىلعا قاراي ءوز ءوندىرىسىن زاتتاي ماندە 50%-عا دەيىن جەتكىزۋدى كوزدەپ وتىر. وسىلايشا، فارماتسەۆتيكالىق جانە مەديتسينالىق ونەركاسىپتى دامىتۋدىڭ 2025 جىلعا دەيىنگى كەشەندى جوسپارىنا سايكەس 77،8 ملرد تەڭگەگە 30-دان استام جاڭا ءىرى فارماتسەۆتيكالىق ءوندىرىس ىسكە قوسىلادى، بۇل ءدارى-دارمەك ءوندىرىسىنىڭ كولەمىن 2،5 ەسەگە (92-دەن 230 ملرد تەڭگەگە دەيىن)، ەكسپورتتى 3 ەسەگە (25-تەن 75 ملرد تەڭگەگە دەيىن) ۇلعايتۋعا، 2 مىڭنان استام جوعارى بىلىكتى مامانداردى دايارلاۋعا جانە ولارعا ارناپ تۇراقتى جۇمىس ورىندارىن قۇرۋعا جول اشادى. 

ۇكىمەت باسشىسى وتاندىق فارماتسەۆتيكا ءوندىرىسى ءۇشىن، اسىرەسە، كلينيكالىق جانە كلينيكاعا دەيىنگى سىناقتاردى ىنتالاندىرۋ تۇرعىسىنان مەملەكەتتىك قولداۋ شارالارىن اۋقىمدى تۇردە كەڭەيتۋدى تاپسىردى. يندۋستريا، دەنساۋلىق ساقتاۋ جانە سىرتقى ىستەر مينيسترلىكتەرىنە دارىلەر ءوندىرىسىن ەلىمىزدە جەرگىلىكتەندىرۋگە Big Pharma – Top 50 تىزىمىنەن الەمدىك فارماتسەۆتيكا وندىرۋشىلەردى تارگەتتەۋ بويىنشا ۇسىنىستار ەنگىزۋ تاپسىرىلدى.

دەنساۋلىق ساقتاۋ مينيسترلىگىنە ۇزاق مەرزىمدى كەلىسىمشارتتاردى ىسكە اسىرۋ تەتىكتەرىن كەڭەيتۋ، ەلدەگى دارىلىك زاتتاردىڭ قاجەتتىلىگىن ناقتى جوسپارلاۋ مەن ايقىنداۋدى قامتاماسىز ەتۋ، مەديتسينالىق بۇيىمدار مەن ءدارى-دارمەكتەرگە سىناقتار جۇرگىزەتىن زەرتحانالاردىڭ ماتەريالدىق-تەحنيكالىق بازاسىن كۇشەيتۋ، كەشەندى جوسپاردى ىسكە اسىرۋدى ەسكەرە وتىرىپ، فارماتسەۆتيكا سالاسى ءۇشىن بىلىكتى كادرلار دايارلاۋ جونىندە شارالار قابىلداۋ تاپسىرىلدى.

وبلىستار مەن نۇر-سۇلتان، الماتى جانە شىمكەنت قالالارىنىڭ اكىمدىكتەرىنە جەرگىلىكتى جەرلەردە ءدارى-دارمەكتەر مەن مەديتسينالىق بۇيىمداردى ساتىپ الۋ كەزىندە جەرگىلىكتى قامتۋ بويىنشا نىسانالى ينديكاتورلاردى (KPI) بەكىتۋ تاپسىرىلدى.

«فارماتسەۆتيكا ونەركاسىبى – ەكونوميكانىڭ وتە ماڭىزدى سەكتورى جانە حالىقتىڭ ءومىرى مەن دەنساۋلىعى قاۋىپسىزدىگىنىڭ نەگىزى»، — دەدى ا. مامين.

سوڭعى جاڭالىقتار

اراق ساتىلمايتىن اۋدان

ايماقتار • كەشە

ەرلىككە تولى سۋرەتتەر

رۋحانيات • كەشە

ۇقساس جاڭالىقتار