اتالعان باعىتتا اتقارىلىپ جاتقان جۇمىستار تۋرالى اۋىل شارۋاشىلىعى ءمينيسترى س. وماروۆ, ەكولوگيا, گەولوگيا جانە تابيعي رەسۋرستار ءمينيسترى م. مىرزاعاليەۆ, ساۋدا جانە ينتەگراتسيا ءمينيسترى ب. سۇلتانوۆ, سولتۇستىك قازاقستان وبلىسىنىڭ اكىمى ق. اقساقالوۆ, جامبىل وبلىسىنىڭ اكىمى ب. ساپارباەۆ, اقمولا وبلىسىنىڭ اكىمى ە. مارجىقپاەۆ, الماتى وبلىسىنىڭ اكىمى ا. باتالوۆ باياندادى.
ۇكىمەت باسشىسى اۋىل شارۋاشىلىعىنىڭ بارلىق قىزمەتكەرلەرىنە پاندەميا جاعدايىندا كوكتەمگى ەگىس جانە ەگىن جيناۋ جۇمىستارىن ۋاقىتىلى ءارى ساپالى جۇرگىزگەنى ءۇشىن العىس ءبىلدىردى, بۇل وتكەن جىلعىدان جوعارى ءونىم جيناۋعا مۇمكىندىك بەردى. بۇۇ ازىق-ت ۇلىك جانە اۋىل شارۋاشىلىعى ۇيىمىنىڭ (FAO) بولجامدارى بويىنشا قازاقستان اقش, اۆستراليا, برازيليا جانە ارگەنتينامەن قاتار الەمدىك ازىق-ت ۇلىك حابتارىنىڭ بىرىنە اينالۋ ءۇشىن ۇلكەن الەۋەتكە يە. مەملەكەت تاراپىنان اوك-ءتى قولداۋدىڭ بارلىق قاجەتتى شارالارى كورسەتىلەدى, سۋبسيديالار بەرىلەدى (16 باعىت بويىنشا سۋبسيديالاردىڭ 47 ءتۇرى), جەڭىلدىكپەن نەسيە بەرۋ جانە سالىق پرەفەرەنتسيالارى كوزدەلگەن. 2020 جىلدىڭ 8 ايىندا قابىلدانعان شارالاردىڭ ناتيجەسىندە ازىق-ت ۇلىك ونىمدەرى ءوندىرىسىنىڭ نەگىزگى كاپيتالىنا سالىنعان ينۆەستيتسيالار وتكەن جىلدىڭ سايكەس كەزەڭىمەن سالىستىرعاندا 25,4%-عا 54,7 ملرد تەڭگەگە دەيىن ۇلعايدى.
قازاقستان ىشكى ءوندىرىس ەسەبىنەن تۇتىنىلاتىن 29 نەگىزگى ازىق-ت ۇلىك تاۋارلارىنىڭ 23-ءىن — جەمىس-كوكونىس, جارما, ۇن, ەت ونىمدەرى جانە باسقا دا ونىمدەرمەن قامتاماسىز ەتەدى. ءونىمنىڭ قالعان 6 ءتۇرى (الما, بالىق, شۇجىق ونىمدەرى, ىرىمشىك جانە سۇزبە, قانت جانە قۇس ەتى) بويىنشا ءوندىرىستى ۇلعايتۋ ءۇشىن 2024 جىلعا قاراي جاڭا قۇس فابريكالارىن, ەت كومبيناتتارىن, ءسۇت, قانت زاۋىتتارىن اشۋ جانە الما باقتارىنىڭ الاڭدارىن ۇلعايتۋ جوسپارلانعان. بۇل قر-نى وتاندىق ءوندىرىستىڭ نەگىزگى ازىق-ت ۇلىگىمەن تولىق قامتاماسىز ەتۋگە مۇمكىندىك بەرەدى. قۇرىلاتىن ۇلتتىق تاۋار وتكىزۋ جۇيەسى وندىرىلەتىن اۋىل شارۋاشىلىعى ءونىمىن ساقتاۋ جاعدايلارىن جاقسارتۋعا, ونىڭ ءوندىرىسى مەن ماۋسىمارالىق كەزەڭدە نارىقتاعى كولەمىن ۇلعايتۋعا, سونداي-اق ەكسپورتتى ەداۋىر ارتتىرۋعا جول اشادى.
اۋىل شارۋاشىلىعى مينيسترلىگى ۇسىنعان نارىقتى وتاندىق ازىق-ت ۇلىك تاۋارلارىمەن مولىقتىرۋ جونىندەگى 2025 جىلعا دەيىنگى كەشەندى جوسپارعا سايكەس 5 ترلن-نان استام تەڭگە ينۆەستيتسيا تارتا وتىرىپ, 380 ينۆەستيتسيالىق جوبا ىسكە اسىرىلاتىن بولادى, بۇل ازىق-ت ۇلىك تاۋارلارىنىڭ باسىم تۇرلەرى — ەت, بالىق, جەمىستەر مەن كوكونىستەر, قانت, ءداندى, مايلى داقىلدار, ءسۇت ونىمدەرى بويىنشا 7 ەكوجۇيەنى قالىپتاستىرۋعا مۇمكىندىك بەرەدى.
«ىشكى نارىقتى وتاندىق ازىق-ت ۇلىكپەن مولىقتىرۋ – ۇكىمەتتىڭ ستراتەگيالىق مىندەتى», — دەپ ا. مامين, قر اشم-گە ءبىر اي ىشىندە نارىقتى وتاندىق ازىق-ت ۇلىك تاۋارلارىمەن مولىقتىرۋ جونىندەگى كەشەندى جوسپاردى قابىلداۋدى تاپسىردى.
اۋىل شارۋاشىلىعى مينيسترلىگىنە ەكولوگيا, ۇلتتىق ەكونوميكا, قارجى مينيسترلىكتەرىمەن بىرلەسىپ, ىشكى نارىقتا جەتىسپەيتىن ونىمدەر ءوندىرىسىن مەملەكەتتىك قولداۋ جانە ىنتالاندىرۋ شارالارىن كەڭەيتۋ ماسەلەلەرىن پىسىقتاۋ, بۇل رەتتە بالىق شارۋاشىلىعى سالاسىن دامىتۋ جوسپارلارىن ەسكەرۋ تاپسىرىلدى.
وڭىرلەردىڭ اكىمدەرىنە اوك-تە جوسپارلانعان جوبالاردىڭ ىسكە اسىرىلۋىن جەكە باقىلاۋعا الۋ جانە قاجەتتى ينجەنەرلىك ينفراقۇرىلىمداردى جۇرگىزۋدى قامتاماسىز ەتۋ, سونداي-اق ينۆەستورلارمەن شيكىزاتتان باستاپ ەكسپورتقا دەيىنگى بۇكىل تىزبەك بويىنشا بارلىق ماسەلەلەردى پىسىقتاۋ تاپسىرىلدى.
سونداي-اق پرەمەر-مينيستر قاجەتتى لوگيستيكانى قامتاماسىز ەتۋ جانە وتاندىق اۋىل شارۋاشىلىعى ونىمدەرىن ىشكى جانە سىرتقى نارىقتاردا وتكىزۋدى ىلگەرىلەتۋ جونىندەگى شارالاردى قابىلداۋدى تاپسىردى.
