ا.عينيات قازاقستانداعى ەپيدەميالىق جاعداي مەن COVID-19 ەكىنشى تولقىنىنا دايىندىق اياسىندا قابىلدانىپ جاتقان شارالار تۋرالى حاباردار ەتتى.
«قازىرگى ۋاقىتتا قازاقستاندا كوروناۆيرۋس ينفەكتسياسى بويىنشا ەپيدەميالىق جاعدايدى تۇراقتاندىرۋعا قول جەتكىزدىك. بىراق, بۇعان قاراماستان, شەتەلدەردە كوروناۆيرۋس ينفەكتسياسىنا قاتىستى جاعدايدىڭ قيىنداپ بارا جاتقانىن بايقاپ وتىرمىز», دەدى ول.
ۆيتسە-مينيستر جرۆي جانە تۇماۋعا شالدىققاندارعا نازار اۋداردى. ول جىل سايىن كۇزگى-قىسقى كەزەڭدە جوعارعى تىنىس الۋ جولدارى ۆيرۋستىق اۋرۋلارى ءورشيتىنىن اتاپ ءوتتى. مينيسترلىك جاو-مەن بىرلەسىپ Covid-19 كوروناۆيرۋس ينفەكتسياسىنىڭ تارالۋىن توقتاتۋ ماقساتىندا مەديتسينالىق ۇيىمداردى كۇزگى-قىسقى كەزەڭگە دايىنداۋ بويىنشا جۇمىستى جالعاستىرۋدا. بۇل ءۇشىن مينيسترلىك مونيتورينگ جۇرگىزىپ, رەسپۋبليكانىڭ 16 ءوڭىرىن ارالاپ شىقتى.
«وڭىرلەر ءموبيلدى بريگادامەن جانە جمك بريگادالارىمەن, سونداي-اق پۋلسوكسيمەتر, تەرمومەتر, جقق قامتاماسىز ەتىلۋىنە قاراماستان, جۇيەلى جانە بارلىق وبلىستارعا ءتان بىرقاتار پروبلەمالىق ماسەلەنىڭ بارىن اتاپ وتكەن ءجون. وسىعان بايلانىستى ءبىز سەمينار-ترەنينگ ۇيىمداستىردىق. بۇل كەزدەسۋ جوعارىدا اتالعان پروبلەمالاردى جويۋعا جانە Covid-19 كۇدىكتى پاتسيەنتتەرگە مەديتسينالىق كومەك كورسەتۋ ءۇشىن شەشىم قابىلداۋعا ىقپال ەتەتىنىنە سەنىمدىمىن», دەدى ۆيتسە-مينيستر.
سەمينار بارىسىندا مساك ۇيىمدارىنىڭ باسشىلارى جرۆي جانە COVID-19-عا شالدىققان پاتسيەنتتەرگە مەديتسينالىق كومەك كورسەتۋگە دايىندىق بارىسىمەن ءبولىستى. ولار حالىقتى ءدارى-دارمەك, كادرمەن قامتاماسىز ەتۋ بويىنشا ەمحانالاردىڭ دايىندىعى, ەمحانا دەڭگەيىندە داعدارىسقا قارسى شتاب قۇرۋ, ءموبيلدى بريگادالاردىڭ جۇمىسى, ۇيدەگى ستاتسيوناردى ۇيىمداستىرۋ, سونداي-اق مەديتسينا قىزمەتكەرلەرى مەن حالىقتى قورعاۋ ءۇشىن قابىلدانعان ەپيدەمياعا قارسى ءىس-شارالار تۋرالى ايتىپ بەردى.
سەمينار قورىتىندىسى بويىنشا مساك ۇيىمدارى حالىققا ۋاقتىلى جانە ساپالى مەديتسينالىق كومەك كورسەتۋ جانە كۇزگى-قىسقى كەزەڭدە COVID-19, باسقا دا ۆيرۋستىق ينفەكتسيالىق اۋرۋلاردىڭ ىقتيمال وسۋىنە 100% دايىن بولۋ ءۇشىن شارالار قابىلدايدى دەپ كۇتىلۋدە.
