ايماقتار • 06 قازان، 2020

كەزەكتى تولقىنعا ىقتاسىن قۇرىلۋدا

12 رەت كورسەتىلدى

بيىل جارتى جىلعا دەيىن سوزىلعان ىندەتتىڭ تارالۋى كەزىندە ەلىمىزدە قاتتى زارداپ شەككەن وڭىرلەردىڭ ءبىرى – باتىس قازاقستان وبلىسى. قازان ايىنىڭ باسىنداعى دەرەكتەرگە قاراعاندا، مۇندا 7 مىڭعا جۋىق ادام ىندەت جۇقتىرعان. ارينە، ولاردىڭ 98 پايىزدان استامى ەمدەلىپ شىقتى. دەگەنمەن، وسى ارالىقتا 109 ادامنىڭ ومىردەن ءوتۋى حالقىنىڭ سانى 600 مىڭنىڭ ۇستىندەگى شاعىن وبلىس ءۇشىن جوعارى كورسەتكىش.

ەڭ قىنجىلارلىق جايت، بۇ­گىندە ايماقتا ەپيدەميالىق جاعدايدىڭ تۇراقتالعانىنا قاراماستان پاندەميانى جۇق­تىر­­عاندار مەن سونىڭ سالدا­رى­نان قايتىس بولعاندار سانى تىيىل­ماي تۇر. ايتالىق، 24 قىر­­كۇيەك پەن 2 قازان ارالى­عىن­دا وڭىردە 18 ادام ىندەت جۇق­­تىرىپ، 3 ادام قايتىس بولدى.

باتىس قازاقستان وبلىسى­نىڭ ەپيدەميالىق جاعداي تۇ­راقسىزدىعى جونىنەن اتىراۋ وبلىسىنان كەيىنگى ەكىنشى ورىنعا شىعۋىنىڭ بىرنەشە سەبەبى بار دەۋگە بولادى. ءبىرىن­شىسى، تۇرعىندار تاراپىنان ورىن العان قامسىزدىق، ۆيرۋس­تان ساقتانۋ مەن قورعانىس شا­را­لارىنىڭ ءتيىستى دەڭگەيدە جۇر­گىزىلمەگەنى بولسا، ەكىن­شى­­دەن، ءوڭىردىڭ رەسەيدىڭ شە­كا­رالىق ايماقتارىمەن ىرگە­لەس ورنالاسۋى دا جۇقپالى دەرتتىڭ ءورشي تۇسۋىنە سالقىنىن تيگىز­دى. العاشقى ۋاقىتتا ىندەتكە شالدىققانداردى ەمدەۋ­گە قا­جەت­تى ءدارى-دارمەكتەر مەن كەرەۋەت سانىنىڭ جەتكىلىكسىزدىگىنەن دە كوپتەگەن ادام ومىرمەن ەرتە­رەك قوشتاستى. ءتىپتى، كو­رو­­نا­­ۆيرۋس ينفەكتسياسىن ايت­­­پا­عاندا، اقجايىق ايما­عىن­­دا ۆيرۋستى پنەۆمونيا­دان 214 ادامنىڭ ومىرمەن قوش­تاس­­قانى قابىرعانى قا­يىس­تىر­ماي قويمايدى. وسى ورايدا ولقى­لىقتاردان ءتيىستى قورى­تىن­دى شىعارىلعانى ءجون سە­كىل­دى.

پاندەميانىڭ ىقتيمال ەكىنشى تولقىنىنا ازىرلىك كە­زىندە ورال وڭىرىندە قانداي قا­رەكەت جاسالۋدا؟ وسى ساۋالدى وبلىستىق دەنساۋلىق ساقتاۋ باس­قارماسىنىڭ جاڭادان تا­عايىندالعان باسشىسى، مەدي­تسينا عىلىمىنىڭ دوكتورى بو­لاتبەك كايۋپوۆقا قويعان ەدىك. ونىڭ ايتۋىنشا، وبلىس تۇر­عىندارىن دارىلىك زاتتارمەن جانە مەديتسينالىق بۇيىم­دارمەن جەتكىلىكتى تۇردە قامتۋ ءۇشىن ارنايى تۇراقتاندىرۋ قورى قۇرىلدى. بۇگىندە ءوڭىر اۋماعىنداعى ءدارىحانالاردا قاجەتتى پرەپاراتتاردىڭ بولۋى جونىندە مونيتورينگتىك باقىلاۋلار جۇرگىزۋ ءىسى قولعا الىنعان. بۇل ءىستى موبيلدىك قوسىمشالاردىڭ كومەگىمەن اتقارۋ كوزدەلگەن.

– ءدارى-دارمەكتەردىڭ رەزەر­ۆىن قالىپتاستىرۋ ۋاقىتىن ءتورت اي مەرزىمگە جوسپارلاپ وتىرمىز. وسى ورايدا قاجەتتى پرەپاراتتاردىڭ 25 تۇرىنە دەنساۋلىق ساقتاۋ باسقارماسى دەڭگەيىندە سۇرانىس بەرۋ جو­نىندە كەلىسىم جاسالدى. رەزەرۆ وبلىستىق «اقجايىق» اكق ارقىلى قۇرىلۋدا. سوعان سايكەس جابدىقتاۋ شارتتارى قازان ايىنىڭ ورتا شەنىندە كۇشىنە كىرەدى دەپ كۇتىلۋدە. قازىر وبلىستا پاندەميانىڭ ەكىنشى تولقىنىنا ازىرلىك دەڭگەيى 90 پايىز توڭىرەگىندە، – دەيدى باسقارما باسشىسى.

– كۆي-عا توتەپ بەرۋ ءۇشىن وتكەن ايلاردا ءدارى-دار­مەكتەر ساتىپ الۋعا «سك-فور­ماتسيا» جشس-نا 488 ملن تەڭ­گەگە قوسىمشا سۇرانىستار جىبەرىل­گەن ەكەن. قازىر 339 ملن تەڭگەگە پرەپاراتتار جەتكىزىلگەن. سو­نىمەن بىرگە وڭىردە مەدي­تسي­نالىق ۇيىمداردىڭ قاجەتتى قۇرال-جابدىقتارمەن قامتىلۋ دەڭگەيى دە كوڭىلگە قونادى. بۇعان دەيىن وبلىستا جەدەل جار­دەمنەن كومەك سۇراعان تۇر­عىنداردى قامتۋ ىسىندە ىركىلىستەر ورىن العان بولسا، ونى جاقسارتۋدىڭ جولدا­رى ارنايى ۇيىمدارمەن كەلى­سىم­­شارتتار جاساۋ ارقىلى بەل­گىلەنگەن. بۇعان قوسا ەمحانالار جانىنان جۇمىلدىرىلعان توپتار قۇرۋ ءىسى قولعا الىنعان. ولار كۆي مەن ۆيرۋستىق پنەۆمونياعا ۇشىراعان ناۋ­قاستار مەن سوزىلمالى اۋرۋى بار جانداردى باقىلاۋعا ال­ماق. ارينە، جوعارى ءبىلىمدى دارىگەرلەر مەن ورتا بۋىن مەديتسينا قىزمەتكەرلەرى جەتكىلىكتى بولعان جاعدايدا عانا ءتيىستى ناتيجە بولماق. بۇل رەتتە قوسىمشا 38 مامان قاجەت بولىپ وتىر. بۇگىندە بۇل ماسەلەنى شەشۋ جولدارى قاراستىرىلۋدا، – دەيدى سالا جەتەكشىلەرى.

بۇل ورال وڭىرىندە پاندەميا­نىڭ الداعى تولقىنىنا ازىرلىك قالىپتى دەڭگەيدە ەكەنىنەن حابار بەرە الادى. بۇعان قوسا قازىرگى كەزدە ورال قالاسىندا 200 ورىنعا ارنالعان ءمودۋلدى ينەكتسيالىق اۋرۋحانانىڭ قۇرى­لىسى قارقىندى تۇردە جۇر­گىزىلۋدە. مۇنىڭ جالپى قۇنى 7،2 ملرد تەڭگەنى قۇرايدى. اتالعان ارنايى ەمدەۋ ورنى جىل اياعىنا دەيىن پايدالانۋعا بەرىلمەك.

ايتسە دە الدىن الا بولجاپ ءبىلۋ وتە قيىنعا سوعاتىن ىندەتتى اۋىزدىقتاۋ وڭايعا سوعا قويمايتىنى بەلگىلى. وسى تۇرعىدان كەلگەندە ازىرلىگى مىعىم وڭىرلەردىڭ ءوزى سىر بەرۋى مۇمكىن. سوندىقتان دەنساۋلىق ساقشىلارى ويعا العان ماقساتتارىنىڭ ورىندالۋىنا حالىق تا تىلەكشى.

 

ورال

 

سوڭعى جاڭالىقتار

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

بۇگىن ەلىمىزدە قاتتى ىستىق بولادى

قازاقستان • بۇگىن، 09:05

بەكىرەگە قويىلعان بەلگى

ايماقتار • بۇگىن، 07:45

«COVID-19» سپەكتاكلى قويىلدى

ونەر • بۇگىن، 07:43

ەركىن جۇرگىڭ كەلسە، ەكپە سالدىر

مەديتسينا • بۇگىن، 07:22

شابان قيمىل شاڭ قاپتىرماسىن

تەحنولوگيا • بۇگىن، 07:20

نە ەكسەڭ، سونى ورارسىڭ

قازاقستان • بۇگىن، 07:17

«استانا» ۇزاپ بارادى

فۋتبول • بۇگىن، 07:07

ۇقساس جاڭالىقتار