قازاقستاننىڭ قالاارالىق جانە وبلىسىشىلىك جولاۋشى تاسىمالداۋ ماسەلەلەرى دە كۇردەلى جاعدايدا. بۇل باعىتتاردا 30 جىلدان اسقان جانە ودان دا ەسكى تەحنيكانى ءجيى كەزدەستىرۋگە بولادى.
وزدەرىنىڭ پاركتەرىن بەلسەندى جاڭارتۋ بويىنشا الدىڭعى قاتارلى وڭىرلەر اراسىندا نۇر-سۇلتان, شىمكەنت قالالارى جانە اقمولا وبلىسى تۇر. سولتۇستىك قازاقستان, جامبىل جانە قاراعاندى وبلىستارى دا اۋقىمدى جاڭارتۋدى كەيىنگە قالدىرعان جوق. ماسەلەن, قاراعاندى وبلىسىنىڭ اكىمى جەڭىس قاسىمبەكتىڭ تاپسىرماسى بويىنشا, وڭىردە جىل سوڭىنا دەيىن 275 بىرلىك قوعامدىق كولىك جاڭارتىلادى.
جولاۋشىلار قاۋىپسىزدىگىنىڭ دەڭگەيىن ارتتىرۋ جانە ەلىمىزدىڭ قالالارى مەن وبلىستارىندا ەكولوگيانىڭ ساقتالۋى ماقساتىندا يندۋستريا جانە ينفراقۇرىلىمدىق دامۋ مينيسترلىگى «قدب-ليزينگ» اق بىرلەسە وتىرىپ, قوعامدىق كولىكتى وتاندىق اۆتوبۋستارمەن جاڭارتۋ جانە جەتىلدىرۋ جونىندەگى باعدارلاماسىن جۇزەگە اسىرۋدا. بۇگىندە ەلىمىزدە اۆتوبۋستار مەن ەلەكتر اۆتوبۋستارىن شىعاراتىن بىرنەشە زاۋىت جۇمىس ىستەيدى. شىعارىلاتىن تەحنيكانىڭ كولەمى بويىنشا قوستانايلىق «سارىارقااۆتوپروم» كوشباسشى بولىپ سانالادى, ياعني بۇگىنگە دەيىن اتالعان زاۋىت 2 413 بىرلىك تەحنيكانى ءوندىردى. بيىل زاۋىت Yutong جانە Ankai اۆتوبۋستارى مەن ەلەكتر اۆتوبۋستارىنىڭ 713 بىرلىگىن جەتكىزدى.
قازاقستانداعى العاشقى «Daewoo Bus Kazakhstan» قوعامدىق كولىك شىعاراتىن زاۋىتى نەگىزى قالانعان ساتتەن باستاپ
1 613 بىرلىك تەحنيكا شىعاردى. اعىمداعى جىلدىڭ العاشقى 8 ايىندا كاسىپورىن Daewoo ماركالى اۆتوبۋسىنىڭ 266 بىرلىگىن شىعاردى.
Hyundai Trans Auto كوممەرتسيالىق تەحنيكاسىن شىعاراتىن زاۋىتتىڭ كولەمى 1 مىڭنان استام بىرلىكتى قۇرايدى. 2019 جىلى زاۋىت 78 اۆتوبۋستى شىعارىپ, Golden Dragon ماركالى اۆتوبۋستارىن قۇراستىرا باستادى. بۇگىندە كاسىپورىن قوعامدىق كولىكتىڭ شاناقتارىن دانەكەرلەۋ جانە بوياۋ بويىنشا تسەحتاردىڭ قۇرىلىسىن جۇرگىزۋدە, وندا كونۆەيەردەن ەلەكتر اۆتوبۋستارى مەن تروللەيبۋستار شىعاتىن بولادى.
جاقىندا سەمەيدەگى «سەماز» زاۋىتى ءوز ءوندىرىسىن ۇيىمداستىردى, ول بيىل 160 گاز جانە Dong Feng اۆتوبۋستارىن شىعاردى.
قالالىق جانە وڭىرارالىق قوعامدىق كولىكتىڭ بالامالى وتىنى بار تەحنيكانىڭ ەكولوگيالىق تازا تۇرىنە كوشۋىنىڭ الەمدىك ءۇردىسى بىرتە-بىرتە قازاقستانعا دا ەنىپ كەلەدى. قازىردىڭ وزىندە نۇر-سۇلتان, پاۆلودار جانە اقتاۋ قالالارىندا وتاندىق ەلەكتر اۆتوبۋستارىنىڭ باعىتتارىن كەزدەستىرۋگە بولادى. ەلدىڭ كورىكتى ورىندارى – بۋراباي سياقتى كۋرورتتىق ايماقتار دا جاقىن ارادا ەكولوگيالىق تازا كولىكتىڭ تۇرىنە اۋىسۋى مۇمكىن.
ەلەكتر اۆتوبۋستارىن دامىتۋدى قاراعاندى وبلىسىنىڭ ساران قالاسىندا سالىنىپ جاتقان Yutong جولاۋشىلار جانە ارنايى تەحنيكاسىن شىعاراتىن «QazTehna» زاۋىتى قولدايدى. جاڭا زاۋىت جىلىنا شامامەن 1200 بىرلىك اۆتوبۋس پەن 400 بىرلىك ارنايى تەحنيكا شىعارۋدى جوسپارلاپ وتىر.
