2018 جىلى تاريفتىك جانە باعالىق رەتتەۋ شەڭبەرىندە اقپارات بەرۋگە بايلانىستى بيزنەستىڭ شىعىندارىن تومەندەتۋ ماقساتىندا ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ, باسەكەلەستىكتى جانە تۇتىنۋشىلاردىڭ قۇقىقتارىن قورعاۋ كوميتەتىنىڭ (قايتا ۇيىمداستىرۋعا دەيىن) قىزمەتتەرىن «مونوپوليست» بازاسىنىڭ جاڭا سەرۆيستىك باعدارلامالىق ءونىمى (تابيعي, مەملەكەتتىك مونوپوليالار جانە قوعامدىق ماڭىزى بار نارىقتار سۋبەكتىلەرىنىڭ اقپارات, حابارلامالار جانە ەسەپتىلىكتەرىنىڭ ەلەكتروندىق دەرەكقورى) ارقىلى اۆتوماتتاندىرۋ جۇزەگە اسىرىلدى.
«مونوپوليست» بازاسى قۇرىلعانعا دەيىن تابيعي مونوپوليالار جانە قوعامدىق ماڭىزى بار نارىقتار سۋبەكتىلەرى بارلىق نەگىزدەۋشى ماتەريالدارمەن بىرگە وتىنىمدەر مەن ەسەپتەردى قاعاز تۇرىندە ۇلكەن كولەمدە بەردى جانە تالاپتارعا سايكەس بارلىق قۇجاتتار تىگىلۋى, نومىرلەنۋى جانە ت.ب. بولۋعا ءتيىس ەدى. ۋاكىلەتتى ورگانعا قۇجاتتاردى ۇسىنۋدىڭ بۇل ءتۇرى كوپ ەڭبەكتى قاجەت ەتەتىن جانە شىعىنى كوپ بولدى. بىراق, ەڭ باستىسى, بۇل قۇجاتتاردى ۋاكىلەتتى ورگاننىڭ سۋبەكتىلەرى مەن قىزمەتكەرلەرى عانا كوردى.
«مونوپوليست» بازاسىن قۇرۋدىڭ ماقساتى – تاريفتەردى قالىپتاستىرۋدىڭ اشىقتىعىن قامتاماسىز ەتۋ, ياعني ەندى ينتەرنەتكە قولجەتىمدىلىگى بار كەز كەلگەن ادام https://www.bazamonopolist.gov.kz سىلتەمەسى بويىنشا بارلىق قۇجاتتاردى اشىپ, زەرتتەي الادى جانە ءوڭىر نەمەسە سۋبەكتىنىڭ اتاۋى بويىنشا مونوپوليست ۋاكىلەتتى ورگانعا ۇسىناتىن كەز كەلگەن وتىنىمدەردى, ەسەپتەردى نەمەسە اقپاراتتى قاراي الادى.
بۇگىنگى تاڭدا بازادا 1 229 مونوپوليست تىركەلگەن, ولار «مونوپوليست» بازاسى ارقىلى كوميتەتتىڭ قاراۋىنا 29 مىڭعا جۋىق قۇجات بەرگەن. سونىمەن قاتار مونوپوليست بازاسىنىڭ مۇمكىندىكتەرىن جەتىلدىرۋ جانە كەڭەيتۋ بويىنشا جۇمىس جالعاسۋدا. بيىل ماۋسىم ايىندا تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى «مونوپوليست» بازاسىن دامىتۋدى جوبالاۋعا ارنالعان تاپسىرمانى بەكىتتى. بولاشاقتا دەرەكتەردى تسيفرلاۋ جانە مەملەكەتتىك دەرەكقورلارمەن ينتەگراتسيالاۋ ارقىلى دەرەكقوردىڭ جاڭارتىلعان نۇسقاسى وسىنداي پروتسەستەردى اۆتوماتتاندىرۋعا مۇمكىندىك بەرەدى. مالىمەتتەردى تسيفرلاندىرۋ جانە مەملەكەتتىك مالىمەتتەر بازاسىن بىرىكتىرۋ ارقىلى جاسالعان بازانىڭ جاڭا نۇسقاسى تومەندەگىدەي قىزمەتتەردى اۆتوماتتاندىرۋعا مۇمكىندىك بەرەدى: مونوپوليستەر ءتىزىلىمىن جۇرگىزۋ; تاريفتىك سمەتالاردى جانە ينۆەستيتسيالىق باعدارلامالاردى جانە ونىڭ ورىندالۋى جونىندەگى ەسەپتەردى بەكىتۋگە ارنالعان وتىنىمدەردى قاراۋ; سۋبەكتىلەردىڭ ينجەنەرلىك جەلىلەرىنە قوسۋعا تۇتىنۋشىلاردىڭ وتىنىمدەرىن وڭدەۋ جانە قوسىلۋعا تەحنيكالىق شارتتاردى بەرۋ; دەرەكتەردى تالداۋ جانە بولجاۋ.
سونىمەن قاتار جاڭارتىلعان بازا بەلگىلى ءبىر دەرەكتەردى ونلاين-رەجىمدە وزەكتەندىرۋگە مۇمكىندىك بەرەدى. مىسالى, مونوپوليستەردىڭ مەملەكەتتىك تىركەلىمى ونى قوسقان جانە الىپ تاستاعان كەزدە اۆتوماتتى تۇردە وزەكتەندىرىلەتىن بولادى.
«ەلەكتروندىق مەملەكەتتىك ساتىپ الۋ» پورتالىمەن جانە مونوپوليستەر ساتىپ الۋدى جۇرگىزەتىن ەلەكتروندىق الاڭدارمەن ينتەگراتسيالاۋ كوميتەتكە تاريفتىك سمەتادا جانە ينۆەستيتسيالىق باعدارلامادا ساتىپ الۋ دەرەكتەرىن ونلاين-رەجىمدە سالىستىرىپ تەكسەرۋگە مۇمكىندىك بەرەدى. «مونوپوليست» بازاسىن دامىتۋ تاريف بەلگىلەۋ سالاسىنداعى پروتسەستەردى اۆتوماتتاندىرۋ جانە اشىقتىق مۇمكىندىكتەرىن كەڭەيتەدى.
