اتاپ ايتقاندا, 2021 جىلدىڭ ناۋرىزىنا دەيىن قورعانىس كيىمدەرى, دارىلىك زاتتار, دەزينفەكتسيالىق قۇرالدار, بينتتەر, مەديتسينالىق پايدالانۋعا ارنالعان اپپاراتۋرا جانە ت. ب. كەدەندىك باج سالىنبايدى. بۇل حالىقتى كوروناۆيرۋس ينفەكتسياسىنىڭ تارالۋىنىڭ الدىن الۋ جانە بولدىرماۋ ءۇشىن قاجەتتى مەديتسينالىق تاۋارلاردىڭ جەتكىلىكتى مولشەرىمەن قامتاماسىز ەتۋگە كومەكتەسەدى.
سونداي-اق كەڭەس مۇشەلەرى كارانتين شارالارى جاعدايىندا ەاەو ەلدەرى اراسىنداعى جولاۋشىلار قاتىناسىن قالپىنا كەلتىرۋ مۇمكىندىگىن تالقىلادى. قاتىسۋشى ەلدەر ازاماتتاردىڭ قوزعالىسى بويىنشا بىرىڭعاي ولشەمدەردى ازىرلەۋى قاجەت. ەەك-تە سانيتارلىق-ەپيدەميولوگيالىق جاعدايدىڭ دامۋىن ەسكەرە وتىرىپ, بۇل ماسەلە قوسىمشا زەردەلەنەدى. كەڭەس مۇشەلەرى پاندەميا كەزىندە قارقىندى دامىپ كەلە جاتقان ينتەرنەت-ساۋدا تاقىرىبىن دا قوزعادى. ەكونوميكانىڭ وسى سەگمەنتىن رەتتەۋدى پىسىقتاۋ قاجەت.
تۇتىنۋشىلار جىل سايىن شەتەلدىك ينتەرنەت الاڭداردان ميلليونداعان تاۋارلارعا تاپسىرىس بەرەتىنىن جانە ولارعا قاۋىپسىزدىك جونىندەگى تالاپتار تارالمايتىنىن جانە سالىق سالۋدىڭ ناقتى تەتىگى ورناتىلماعانىن ەسكەرە وتىرىپ, مۇنداي ديسپاريتەت وتاندىق وندىرۋشىلەردىڭ ەاەو ەلدەرىنىڭ ىشكى نارىعىنداعى باسەكەگە قابىلەتتىلىگىنە اسەر ەتەتىندىگىن ەسكەرتتى. ينتەگراتسيالىق كەڭىستىك شەڭبەرىندە ەلەكتروندىق ساۋدانى ەنگىزۋدىڭ اشىق شارتتارىن بەلگىلەۋ جونىندەگى جۇمىس جالعاستىرىلادى.
سونىمەن قاتار كەلىسىم جوباسى ەاەو-عا مۇشە مەملەكەتتەردە ەاەو تەحنيكالىق رەگلامەنتتەرى تالاپتارىنىڭ ساقتالۋىن مەملەكەتتىك باقىلاۋدى (قاداعالاۋدى) جۇزەگە اسىرۋدىڭ قاعيداتتارى مەن تاسىلدەرىن ايقىندايدى, سونداي-اق ءونىم جەتكىزۋدى توقتاتۋعا بايلانىستى داۋلى ماسەلەلەردى شەشۋ ءۇشىن ءتيىمدى تەتىك قۇرۋعا مۇمكىندىك بەرەتىن نورمالار كوزدەلگەن.
سونداي-اق كەڭەس اياسىندا ەاەو حالىقارالىق قىزمەتىنىڭ 2021 جىلعا ارنالعان نەگىزگى باعىتتارى تالقىلاندى. ءۇشىنشى ەلدەرمەن, وڭىرلىك ينتەگراتسيالىق بىرلەستىكتەرمەن جانە حالىقارالىق ۇيىمدارمەن ىنتىماقتاستىقتى تەرەڭدەتۋ قازىردىڭ وزىندە قۇرىلعان ءوزارا ءىس-قيمىل تەتىكتەرى شەڭبەرىندە جانە حالىقارالىق ىنتىماقتاستىقتىڭ الەۋەتتى پەرسپەكتيۆالى باعىتتارىن ەسكەرە وتىرىپ داميدى.
