ء"بىز پىكىرتالاس بەلگىلەنگەن كۇنى ءوتۋى كەرەك دەپ سانايمىز, بىراق بۇل كوپتەگەن فاكتورلارعا, ەڭ الدىمەن پرەزيدەنت ترامپتىڭ دەنساۋلىق جاعدايىنا بايلانىستى. ءبىز ونىڭ تەزىرەك ساۋىعىپ كەتۋىن تىلەيمىز", - دەدى ك. بەدينگفيلد.
ترامپ پەن بايدەن پىكىرسايىستارىنىڭ ءبىرىنشى كەزەڭى سەيسەنبى كۇنى كليۆلەندتە ءوتتى. قارسىلاستارعا مودەراتوردىڭ سۇراعىنا جاۋاپ بەرۋ ءۇشىن ەكى مينۋتتان بەرىلدى. ولاردىڭ ەكىنشى پىكىرسايىسى 15 قازاندا ماياميدە, ءۇشىنشىسى 22 قازاندا ناشۆيللدە وتەدى. ال جالپى سايلاۋ 3 قاراشادا اقش-تا وتەدى دەپ جوسپارلانۋدا.
ەسكە سالا كەتەيىك, 2 قازاندا دونالد ترامپ Twitter پاراقشاسىندا ايەلى ەكەۋىنىڭ كوروناۆيرۋس جۇقتىرعانىن حابارلاعان ەدى. بۇدان سوڭ, اق ۇيدە مەملەكەت باسشىسىمەن بىرگە تىعىز قارىم-قاتىناستا بولعان قىزمەتكەرلەردىڭ بارلىعى كارانتينگە جىبەرىلدى. كوروناۆيرۋس جۇقتىرعان پرەزيدەنتتىڭ ايەلى مەلانيا ترامپتىڭ سىرقاتى جەڭىل ءوتىپ جاتقان كورىنەدى. ول ەمحانادا ەمەس, اق ۇيدە ەمدەلىپ جاتىر.
سوڭعى كۇندەرى كوروناۆيرۋس پرەزيدەنتتىڭ كومەكشىسى حوۋپ حيكس, ترامپتىڭ بۇرىنعى كەڭەسشىسى كەلليەنن كونۋەي, ءۇش رەسپۋبليكالىق سەناتور, رەسپۋبليكالىق پارتيانىڭ ۇلتتىق كوميتەتىنىڭ توراعاسى روننا ماكدەنيەل, اق ءۇي باسشىسىنىڭ سايلاۋ ناۋقانىنىڭ مەنەدجەرى ۋيليام ستەپين, ترامپتىڭ جەكە كومەكشىسى نيك لۋنادان جانە پرەزيدەنت پۋلىنداعى ءۇش جۋرناليستتەن تابىلدى.
