وسى اۋىلدىڭ تۇسىمەن وتەتىن "اتىراۋ-اقتوبە" تاس جولىندا Renault Duster مەن Geely كولىكتەرىنىڭ سوقتىعىسۋىنان 9 ادام مەرت بولدى.
Renault Duster كولىگىندەگى ءتورت جولاۋشى قىزىلقوعا اۋدانىنداعى ميالى اۋىلىنان اتىراۋ قالاسىنا باعىت العان ەكەن. ال Geely كولىگىنە وتىرعان بەس جولاۋشى اتىراۋدان ساعىز سەلوسىنا بارۋ ءۇشىن جولعا شىققان. الايدا ءبارى دىتتەگەن جەرىنە جەتە المادى.
توعىز ادامنىڭ ءومىرىن ۇزگەن بۇل وقىس وقيعا ىشكى ىستەر ءمينيسترى ەرلان تۇرعىمباەۆتىڭ ءوزىن الاڭداتىپ وتىر. ءمينيستردىڭ ءمالىم ەتۋىنشە, جول-كولىك وقيعالارىنىڭ 96% جۇرگىزۋشىلەردىڭ كىناسىنەن ورىن الادى. پاترۋلدىك كەزەكشىلىكتەر جانە بەينەكامەرالار جوق اۆتوجولدار مەن تاس جولدارداردا جۇرگىزۋشىلەر ورەسكەل ەرەجە بۇزادى. ناقتىراق ايتقاندا, جىلدامدىقتى شامادان تىس ارتتىرىپ, تىيىم سالىنعان جانە قاۋىپتى ايماقتاردا الداعى كولىكتى باسىپ وزۋعا تىرىسادى. ال مۇنداي جەلىگۋدىڭ سوڭى كوبىنە قايعىلى اپاتقا, ورنى تولماس وكىنىشكە ۇرىندىرادى.
ء"ىىم-ءنىڭ ستاتيستيكالىق مالىمەتتەرى "تاجىريبەسىز" جۇرگىزۋشىلەردىڭ (كولىك جۇرگىزۋ ءوتىلى 1 جىلدان تومەندەر) ۇلەسىنە جول-كولىك وقيعالارىنىڭ تەك 1,8 %-ءى عانا تيەتىنىن كورسەتەدى. جول اپاتتارىنىڭ باسىم بولىگى تاجىريبەلى جۇرگىزۋشىلەردىڭ تاراپىنان ورىن الادى ەكەن. ولار قاۋىپتى تاۋەكەلدەرگە سانالى تۇردە بارىپ, وزدەرىنىڭ عانا ەمەس, باسقا ادامداردىڭ ومىرىنە دە ۇلكەن قاتەر توندىرەدى.
سونداي-اق, ىشكى ىستەر مينيسترلىگى جول-كولىك وقيعاسىنىڭ نەگىزگى سەبەپتەرىن قاپەرگە سالادى:
– ءبىرىنشى ورىندا جىلدامدىقتى ارتتىرۋ (33,1 %);
– ەكىنشىسىندە – مانەۆر جاساۋ ەرەجەلەرىن بۇزۋ (17,7 %);
– ءۇشىنشى ورىندا – رەتتەلمەيتىن جاياۋ جۇرگىنشىلەر وتكەلىنەن ءوتۋ ەرەجەلەرىن بۇزۋ (7,6 %).
ءىىم اۆتوكولىك جۇرگىزۋشىلەرىن جول قوزعالىسى ەرەجەلەرى مەن شەكتەۋلەرىن قاتاڭ ەسكەرۋگە شاقىرادى. ال جاياۋ جۇرگىنشىلەرگە جولدا قىراعى بولۋدى ەسكەرتەدى", دەپ جازبا قالدىردى الەۋمەتتىك جەلىدە مينيستر ەرلان تۇرعىمباەۆ.
