ارنايى ءباسپاسوز ءماسليحاتىندا ەم-دوم جاساپ جاتقان دارىگەر ناۋقاستىڭ باقىلاۋدا ەكەنىن ايتىپ, الداعى 48 ساعات ترامپ ءۇشىن اسا ماڭىزدى ەكەنىن مالىمدەدى. جۋرناليستەردىڭ وتتەگى الدى ما دەگەن سۇراعىنان جالتارعان دارىگەر كەشەدەن بەرى پرەزيدەنتكە وتتەگى بەرۋ قاجەتتىلىگى بولماعانىن جەتكىزدى. ال سەنبى كۇنى ترامپ Twitter-دە ءتورت مينۋتتىق ۆيدەو جاريالادى. ۇندەۋدە ول دەنساۋلىعىنا الاڭداپ, قولداۋ ءبىلدىرىپ جاتقان جەرلەستەرىنە جانە تىلەكتەستىك بىلدىرگەن الەم كوشباسشىلارىنا العىسىن جاۋدىردى. ءوزى دە الداعى بىرنەشە كۇننىڭ اسا ماڭىزدى ەكەنىن اتاپ ءوتتى.
كوروناۆيرۋس جۇقتىرعان پرەزيدەنتتىڭ ايەلى مەلانيا ترامپتىڭ سىرقاتى جەڭىل ءوتىپ جاتقان كورىنەدى. ول ەمحانادا ەمەس, اق ۇيدە ەمدەلىپ جاتىر. پرەزيدەنتتىڭ ۆيرۋستى قايدا جۇقتىرعانى تۋرالى بولجامدار بىردەن پايدا بولا باستادى. كوپشىلىك وتكەن اپتادا ادام كوپ جينالعان راۋشان باعىندا وتكەن ءىس-شارادا جۇقتىرعان بولۋى مۇمكىن دەپ وتىر. ويتكەنى ترامپ پەن ايەلىنەن بولەك, سول جيىندا بولعان تاعى التى ادامنىڭ ىندەت جۇقتىرعانى بەلگىلى بولعان. تۇرعىندار وسىعان دەيىن دە ترامپتىڭ پاندەميا اياقتالعانداي ەركىن جۇرگەنىن, ماسكا تاقپاۋىن تالاي سىنعا العان ەدى.
اقش ۆيرۋس جۇقتىرعان ەلدەردىڭ اراسىندا ءالى دە كوش باستاپ تۇر. ەلدە بارلىعى 7 ميلليوننان استام ودان ىندەت جۇقتىرىپ, ونىڭ 700 مىڭنان استامى قايتىس بولعان.
