ارينە جولعا دا كۇتىم كەرەك. ايتپەسە جولدىڭ ب ۇلىنۋىنە كۇن رايى دا, اۋىر جۇك كولىكتەرىنىڭ سالماعى دا اسەر ەتەتىنى داۋسىز. سول سەبەپتەن ءوڭىر جولدارىنا كۇتىم جاساۋ ءۇشىن 2020-2022 جىلدارعا ارنالعان كونكۋرس ءوتىپ, مەردىگەرلەر انىقتالىپتى. ماسەلەن, قۇرمانعازى اۋدانىنداعى جولدىڭ ۇزىندىعى 330 شاقىرىمدى قۇرايدى. بۇل جولدىڭ ب ۇلىنبەۋىن «قۇرمانعازى جولدارى» جشس مىندەتىنە الىپ وتىر. قازىر اتالعان سەرىكتەستىكپەن ەكىجاقتى كەلىسىمشارت جاسالدى. سوعان سايكەس سەرىكتەستىك قىستا جولدى قاردان تازالاۋ ءۇشىن اۆتوگرەيدەرلەر, تيەگىش ماشينا, وزگە دە تەحنيكالاردى, 50 توننا جانار-جاعارماي قورىن دايىنداپتى.
ال قىزىلقوعا اۋدانىنداعى 244 شاقىرىمدىق جولدىڭ كۇتىمى «جاڭا ارنا» جشس-نە جۇكتەلىپتى. بۇل سەرىكتەستىك تە الاي-دۇلەي بوران, قالىڭ قار سەكىلدى تابيعاتتىڭ توسىن قۇبىلىسى كەزىندە جول تازالايتىن ارنايى تەحنيكالارمەن قامتىلىپتى. سونداي-اق يندەر, ماحامبەت, يساتاي, جىلىوي, ماقات اۋداندارىنىڭ اۋماعىمەن وتەتىن وبلىستىق ماڭىزى بار جولداردىڭ كۇتىمىن «QENES ENGINEERING» جشس جۇرگىزبەك. وسىعان وراي سەرىكتەستىك ۇجىمى قار تازالاۋعا قاجەتتى ارنايى تەحنيكالار مەن جولعا سەبەتىن 500 كيلو تۇز, 40 توننا قۇم, 35 توننا قيىرشىق, مالتا تاستى دايىنداپ وتىر.
باتىس وڭىردەگى حالىقارالىق ماڭىزى بار جولدىڭ ءبىرى – «اقتوبە – اتىراۋ – رەسەي شەكاراسى» باعىتىنداعى جول. بۇرىن بۇل جولمەن ءجۇرۋدىڭ ازابى كوپ ەدى. ويتكەنى جول ابدەن توزىپ, كولىكتىڭ جۇرۋىنە كەدەرگى كوبەيدى. ونىڭ ۇستىنە جول اپاتى جيىلەپ, جولاۋشىلاردىڭ زارداپ شەگۋى جيىلەگەن بولاتىن.
– قازىر «اقتوبە – اتىراۋ – رەسەي شەكاراسى» جولىنىڭ 424 شاقىرىمىنا قايتا جاڭعىرتۋ جۇمىستارى جۇرگىزىلىپ جاتىر. ءبىزدىڭ فيليال اتالعان جولدىڭ 699 شاقىرىمىن قاداعالاۋعا الىپ وتىر. بيىل كولىكتەردىڭ ۇزدىكسىز ءارى قاۋىپسىز قوزعالىسىن قامتاماسىز ەتۋ ماقساتىندا 456 شاقىرىم جولدىڭ جيەگىندە وسكەن ءشوپ شابىلدى. سونداي-اق 21 123 شارشى مەتردى قۇراعان جول شۇڭقىرى بىتەلدى. جول بويىندا 20-30 شاقىرىم سايىن ەسكەرتۋ بەلگىلەرى ورناتىلدى. بۇگىندە جول بويىندا وسىنداي 104 بەلگى بار, – دەيدى «قازاۆتوجول» ۇك» اق اتىراۋ وبلىستىق فيليالىنىڭ ديرەكتورى جاڭاباي باشاروۆ.
اتىراۋ وبلىسى
