«استانا» ۋنيۆەرسيتەتىنىڭ قازاق ءتىلى مەن ادەبيەتى فاكۋلتەتىنىڭ ستۋدەنتتەرى نازارباەۆ ورتالىعىندا كورنەكتى بەلگىلى جازۋشى, مەملەكەتتىك سىيلىقتىڭ لاۋرەاتى تولەن ابدىكپەن كەزدەستى.
«استانا» ۋنيۆەرسيتەتىنىڭ قازاق ءتىلى مەن ادەبيەتى فاكۋلتەتىنىڭ ستۋدەنتتەرى نازارباەۆ ورتالىعىندا كورنەكتى بەلگىلى جازۋشى, مەملەكەتتىك سىيلىقتىڭ لاۋرەاتى تولەن ابدىكپەن كەزدەستى.
اتالعان شاراعا جينالعان ۇستازدار مەن ستۋدەنتتەر جازۋشى شىعارماشىلىعى توڭىرەگىندە ءسوز قوزعادى. الدىمەن ءسوز العان فيلولوگيا عىلىمدارىنىڭ كانديداتى, پروفەسسور ج.بورانباەۆا ءوز شاكىرتتەرىنىڭ جازۋشى شىعارمالارىمەن جاقسى تانىس ەكەنىن اتاپ كورسەتسە, ز.داۋلەتوۆا «اكە» پوۆەسىندەگى زامانا كورىنىستەرىن, ال ءا.جۇمادىللاەۆ «اقيقات» شىعارماسىن ءسوز ەتتى. بۇل كۇنى قالامگەردىڭ باسقا دا شىعارمالارى توڭىرەگىندە كەلەلى وي قوزعالدى.
ءوز كەزەگىندە جازۋشى دا وقىرماندارىمەن وي ءبولىستى. ول ءوزىنىڭ سوتسياليستىك ادەبيەتكە كوڭىلى تولماعاندىعىن, ويتكەنى, شىندىق ارقاشاندا تاسادا قالا بەرگەندىگىن ايتا كەلىپ, سونداي بۇقپانتايلىق 1937 جىلدارى اسىلدارىمىزدىڭ اتىلىپ كەتۋىنە اكەلىپ سوقتىرعانىن قىنجىلا جەتكىزدى.
ءوزىنىڭ ايتۋىنشا, ءتولەن اعامىز جوعارى وقۋ ورنىنىڭ ەكىنشى كۋرسىندا وقىپ جۇرگەندە تىرناقالدى ەڭبەكتەرىن جاريالاي باستاپتى. ال العاشقى جيناعى ءتورتىنشى كۋرستا وقىپ ءجۇرگەندە جارىق كورىپتى. جازۋشى و باستا پوەزياعا جاقىن بولعان, بىراق, ۋاقىت وتە كەلە ءبىرجولا پروزاعا اۋىسادى.
كەزدەسۋ بارىسىندا قازىرگى كەزدە الماتىدا ساحنالانىپ جۇرگەن «ءبىز ۇشەۋ ەدىك» پەساسى تۋرالى دا ءسوز قوزعالدى.
نازىم يساق,
«استانا» ۋنيۆەرسيتەتىنىڭ
2-ءشى كۋرس ستۋدەنتى.
