ازاماتتىق – جايلى ءومىردىڭ سيمۆولى ەمەس!

پرەزيدەنتتىڭ بۇل ماسەلەگە نازار اۋدا­­رۋى بەكەر ەمەس. كەيىنگى كەزدە قوس ەل­دىڭ ازاماتتىعىن العاندار تۋرالى اقپارات تا, جاۋاپقا تارتىلعان ادام­­دار دا كوبەيىپ بارادى. ىشكى ىستەر مينيسترلىگى كوشى-قون قىزمەتى باسقا مەملەكەتتىك ورگاندارمەن بىرلەسىپ, قازاق­ستاندا جىل باسىنان بەرى پى­سىقتالعان الگوريتم بويىنشا قوس ازا­ماتتىعى ءۇشىن جاۋاپتىلىققا تار­تىلعان 284 بۇرىنعى ازاماتى انىقتالدى.

ازاماتتىعىنان ايىرىلعان ادامدار بولا تۇرا, ءتارتىپ بۇزۋشىلار قازاقستانعا كەلۋ جانە تۇرۋ ءۇشىن قازاقستاندىق قۇجاتتاردى پايدالاندى. ولاردىڭ بىرقاتارى شەت مەملەكەتتىڭ ازاماتتىعىن قابىل­داعانى تۋرالى ۋاقتىلى حابار­لاماعانى ءۇشىن اكىمشىلىك جاۋاپ­كەرشىلىككە تارتىلدى. وسى زاڭ بۇزۋشىلىقتار ءۇشىن 266 ادامعا (277 800 تەڭگەدەن 555 مىڭ تەڭگەگە دەيىن) ايىپپۇل سالىنىپ, 18 ادام ەلدەن شىعارىلدى. بۇل – ىشكى ىستەر ورگاندارىنىڭ انىقتاعانى عانا. ال ەشكىمنىڭ كوزىنە تۇسپەي, «كوك پاسپورتتى» ەمىن-ەركىن پايدالانىپ جۇرگەندەردىڭ ناقتى سانى بەلگىسىز.

قوس ازاماتتىققا اتا زاڭىمىزدا دا, «ازاماتتىق تۋرالى» زاڭدا دا تىيىم سالىنعان. زاڭ بويىنشا, وزگە ەلدىڭ ازاماتتىعىن قابىلداعان قازاقستان ازاماتى وتىز تاۋلىك ىشىندە ىشكى ىستەر ورگاندارىنا نەمەسە قازاقستان رەسپۋبليكاسىنىڭ شەتەلدەگى مەكەمەلەرىنە وسى قادامى تۋرالى حابارلاپ, قولىنداعى قازاقستان رەسپۋبليكاسىنىڭ پاسپورتىن نەمەسە جەكە كۋالىگىن تاپسىرۋى ءتيىس.

اتالعان  زاڭ تالاپتارىن ورىن­داۋعا اسىقپايتىندار دا بار. ولار ءبىر جاعىنان قازاقستاننىڭ ازامات­تارىنا ارنالعان يگىلىكتى كورىپ وتىر­سا, ەكىنشى جاعىنان شەتەلدىڭ جاق­سىلىعىن پايدالانۋعا تىرىسادى. «ەگەمەن قازاقستان» گازەتىنىڭ تىلشىلەرى دايىنداعان  ماقالالار وسىنى دالەلدەيدى. ەندەشە, بۇل ماسەلەگە قۇقىق قورعاۋ ورگاندارى ەرەكشە نازار اۋدارىپ, ۇقىپتىلىق تانىتۋى قاجەت ەكەنى ايتپاسا دا تۇسىنىكتى.