اتقارىلىپ جاتقان جۇمىس بارىسى تۋرالى ۇلتتىق ەكونوميكا ءمينيسترى ر. دالەنوۆ, قارجى ءمينيسترى ە. جاماۋباەۆ, يندۋستريا جانە ينفراقۇرىلىمدىق دامۋ ءمينيسترى ب. اتامقۇلوۆ, اۋىل شارۋاشىلىعى ءمينيسترى س. وماروۆ, ءبىلىم جانە عىلىم ءمينيسترى ا. ايماعامبەتوۆ, دەنساۋلىق ساقتاۋ ءمينيسترى ا. تسوي, تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى ب. مۋسين, ستراتەگيالىق جوسپارلاۋ جانە رەفورمالار جونىندەگى اگەنتتىك توراعاسى – «استانا» حالىقارالىق قارجى ورتالىعىنىڭ باسقارۋشىسى ق. كەلىمبەتوۆ جانە ت. ب. باياندادى.
«مەملەكەت باسشىسى قاسىم-جومارت كەمەل ۇلى توقاەۆ 2020 جىلعى 1 قىركۇيەكتەگى ءوز جولداۋىندا ۇلت جوسپارى مەن بەس ينستيتۋتسيونالدىق رەفورما اياسىندا ەلباسىنىڭ رەفورمالارىنا سالماقتى سەرپىن بەرۋ قاجەتتىگىن اتاپ ءوتتى. بيىل بىرقاتار باعىت بويىنشا بارىنشا كۇش-جىگەر سالىنىپ, ۇلت جوسپارىنىڭ 5 قادامى تولىق جۇزەگە اسىرىلدى. قازىرگى كەزدە 33 قادام ىسكە اسىرىلۋ ۇستىندە», — دەدى ا. مامين.
قازىرگى ۋاقىتتا «كاسىبي مەملەكەتتىك اپپارات قۇرۋ» باعىتى بويىنشا 15 قادامنىڭ 13-ءى ورىندالدى, «زاڭنىڭ ۇستەمدىگىن قامتاماسىز ەتۋ» باعىتى بويىنشا بارلىق 19 قادام, «يندۋستريالاندىرۋ جانە ەكونوميكالىق ءوسىم» باعىتى بويىنشا 50 قادامنان 20 قادام, «بىرتەكتىلىك پەن بىرلىك» باعىتى بويىنشا 6 قادامنان 3 قادام, «ەسەپ بەرەتىن مەملەكەتتى قالىپتاستىرۋ» باعىتى بويىنشا 10 قادامنان 9-ى ورىندالعان.
وتىرىستا ءسۇت جانە ەت ءوندىرىسىن جانە قايتا وڭدەۋدى دامىتۋ ءۇشىن ستراتەگيالىق ينۆەستورلاردى تارتۋ, تۋريستىك جانە يننوۆاتسيالىق كلاستەرلەردى كەڭەيتۋ, كەدەندىك جانە سالىق جۇيەلەرىن ينتەگراتسيالاۋ, جوبالاۋ الدىنداعى جانە جوبالاۋ-سمەتالىق قۇجاتتاماعا ساراپتاما جۇرگىزۋگە مەملەكەتتىك مونوپوليادان كەزەڭ-كەزەڭىمەن باس تارتۋ, مەملەكەتتىك باسقارۋ, ءبىلىم بەرۋ جانە دەنساۋلىق ساقتاۋ جۇيەلەرىن جەتىلدىرۋ, مەملەكەتتىك ورگاندار مەن وڭىرلەر اكىمدىكتەرى جانىنداعى قوعامدىق كەڭەستەردىڭ ءرولىن كۇشەيتۋ ماسەلەلەرى قارالدى.
ۇكىمەت باسشىسى ۇلت جوسپارىن تولىق ءارى ساپالى جۇزەگە اسىرۋ بويىنشا بەلسەندى جۇمىستى جالعاستىرۋدى تاپسىردى. ينۆەستيتسيالار تارتۋ كولەمىن, ءبىرىنشى كەزەكتە, تۇراقتى, «ساپالى» جاڭا جۇمىس ورىندارىن قۇرۋدى قامتاماسىز ەتەتىن ەكونوميكانىڭ باسىم سەكتورلارىنداعى جاڭا ءىرى جوبالارعا ارتتىرۋ جونىندەگى تارماقتارعا ەرەكشە نازار اۋدارىلدى.
سونداي-اق وتىرىسقا قاتىسۋشىلار قر پرەزيدەنتى ق. توقاەۆتىڭ 2019 جىلعى 2 قىركۇيەكتەگى جولداۋىن ىسكە اسىرۋ بويىنشا — تابيعي مونوپوليستەردىڭ تاۋارلارى مەن قىزمەتتەرىنىڭ باعالارى مەن تاريفتەرىن كوتەرۋگە, نارىقتارداعى باعالىق ءسوز بايلاسۋعا قارسى كۇرەستى كۇشەيتۋ, تاريف بەلگىلەۋ تاسىلدەرىن رەتكە كەلتىرۋ جونىندەگى جالپىۇلتتىق ءىس-شارالار جوسپارىنىڭ (جۇج) 31-تارماعىنىڭ ورىندالۋىن قاراستىردى. مەملەكەتتىك ورگانداردىڭ تاريفتەر مەن باعالاردىڭ نەگىزسىز وسۋىنە جول بەرمەۋ بويىنشا جوسپارلى جۇمىستار اتقارىپ جاتقانى اتاپ ءوتىلدى.
جىل باسىنا قاراي تاريفتەر مەن باعالاردىڭ ءوسۋى ورتا ەسەپپەن 0,5%-عا تەجەلدى, الەۋمەتتىك ماڭىزى بار ازىق-ت ۇلىك تاۋارلارىن ءوندىرۋ جانە ساتۋ نارىعىندا باعالىق ءسوز بايلاسۋعا جول بەرگەن 600-دەن استام سۋبەكتىنىڭ ءىس-ارەكەتى انىقتالىپ, توقتاتىلدى.
