ايماقتار • 01 قازان، 2020

340 شاقىرىم اۆتوجول وبلىس ورتالىعى مەن شالعاي اۋدان ارالىعىن جالعادى

14 رەت كورسەتىلدى

وركەنيەتكە قول جەتكىزۋدىڭ باستى كورىنىستەرىنىڭ ءبىرى – تاقتايداي تەگىس اۆتوجول. ورال وڭىرىندە وسىنداي وركەنيەت ورىنە جەتۋ جولىنا دا ىرگەلى قادام جاسالدى. ياعني وبلىس ورتالىعى مەن شالعايداعى كازتالوۆ اۋدانى ارالىعىن جالعايتىن اۆتوجول قۇرىلىسى اياقتالدى، دەپ حابارلايدى Egemen.kz.

ويتكەنى اتالعان ءوڭىر مۇناي-گاز سەكىلدى ستراتەگيالىق شيكىزات كوزدەرىنەن قاشىق ورنالاسقان مۇندا بۇدان وزگە ءوندىرىس ورىندارى دا جوقتىڭ قاسى. مۇنداي جاعدايدا جاڭا جول سالۋ جۇمىستارىنا جۇمسالاتىن قوماقتى قاراجات قارجىلىق-ەكونوميكالىق تۇرعىدان كەيىن  ءوزىن-ءوزى اقتامايتىنى بەلگىلى. سوعان قاراماستان جەردىڭ شەتىندە، جەلدىڭ وتىندە وتىرعان وڭىردە اسفالت جول توسەلگەنى –جەرگىلىكتى تۇرعىنداردىڭ الەۋمەتتىك-تۇرمىستىق جاي-كۇيىن ودان ءارى كوتەرۋ ماقساتىندا جاسالعان جاسامپاز جوبا دەۋگە ابدەن بولادى.

وسىلايشا شالعاي اۋدان تۇرعىندارىن 340 شاقىرىم قاشىقتىقتاعى وبلىس ورتالىعىنا 3-4 ساعاتتىڭ ىشىندە جەتۋىنە مۇمكىندىك تۋىپ وتىر. ۇزاق شاقىرىمداردى قۇرايتىن جاڭا تراسسا جول بويى سەرۆيسى نىساندارىن تۇرعىزۋعا دا العىشارت قالاي الادى. ادام جاقسىعا تەز بەيىمدەلىپ، تەز بوي ۇيرەتەدى عوي. سوندىقتان دا شىعار، وسى ارالىقتاعى سارىقۇدىقتىڭساز بالشىعى اتالعان تۇس جول كولىكتەرىن تۇساۋلاپ جۇرگىزبەي تاستايتىنى ۇمىتىلىپ بارادى. سونىمەن بىرگە بۇل اقجايىق ايماعىنىڭ وڭتۇستىك اۋداندارىن وبلىس ورتالىعىمەن جالعايتىن نازارداعى نىسان ەكەنىن دە ايتۋعا ءتيىسپىز. بۇعان كازتالوۆ اۋدانىنا قوسا وبلىس ورتالىعىنان 500 جانە 600 شاقىرىم بولاتىن جانىبەك جانە بوكەيورداسى اۋداندارى دا قوسىلادى. قر تۇڭعىش پرەزيدەنتى – ەلباسى نۇرسۇلتان نازارباەۆ بۇدان ەكى جىل بۇرىن باتىس قازاقستان وبلىسىنا كەلگەن ساپارىندا رەسپۋبليكامىزداعى قاستەرلى دە تاريحي وڭىردەردىڭ ءبىرى بوكەي توپىراعىنا دەيىن اۆتوجول توسەۋ ءىسىن ۇكىمەتكە شەگەلەپ تاپسىرعانى بەلگىلى. تۇپتەي كەلگەندە وسى باعىتتاعى جول قۇرىلىسىنىڭ ەلەۋلى بولىگىنىڭ تولىقتاي اياقتالۋى ەلباسى تاپسىرماسىنىڭ اياقسىز قالماعانى دەپ تۇسىنسەك شىندىقتان الشاق كەتە قويماسپىز. سونداي-اق بۇگىنگى كۇنى كازتالوۆ-جانىبەك-رەسەي فەدەراتسياسى مەن ونەگە-بيسەن-سايحىن (بوكەيورداسى اۋدانىنىڭ ورتالىعى) اۆتوجولدارىنا كۇردەلى جوندەۋ جۇمىستارىن جۇرگىزۋ ودان ءارى جالعاسىپ كەلە جاتقانى دا الدىڭعى پىكىرىمىزدىڭ ايعاعى.

تۋراسىن ايتقاندا تاۋەلسىزدىكتىڭ العاشقى جىلدارى مەن 2000 جىلدارعا دەيىنى كەزەڭدە ورال وڭىرىندە اۋدانداردى وبلىس ورتالىعىمەن جالعايتىن قاتقىل تاباندى جول بەس ساۋساقتىڭ سانىنا دا جەتپەيتىن. ال بۇگىنگى اڭگىمەمىزگە تيەك بولعان چاپاەۆ-جالپاقتال-كازتالوۆ-جانىبەك ارالىعىنداعى اۆتوجول جوباسى قۇرىلىسى سول ءبىر جىلدارى بەسىگىندە تۇنشىعىپ جاتقانداي ەدى.

وسى ءبىر كەزەڭ ارالىعىندا گازەتىمىزدىڭ ءبىرىنشى بەتىندە ۇكىمەت نازارىنا دەگەن ايدارمەن اتالعان ارالىقتاعى جول قۇرىلىسىنا جان ءبىتىرۋ كەرەكتىگى جونىندە ساراپتامالىق ماتەريال جاريالانعانى دا ۇمىتىلا قويعان جوق. قالاي دەگەندە دە قازىرگى كەزدە بۇل جوبا جالعاسىن تاۋىپ، كازتالوۆ اۋدانى ورتالىعىنا دەيىن اسفالت تارتىلعانى. ءارى بۇدان كەيىنگى جول قۇرىلىسى جانىبەككە قاراي باعىتتالىپ وتىرعانى ءسۇيىنىشتى ءجايت، اتاپ ايتۋعا تۇرارلىق ءىس دەپ بىلەمىز.

سوڭعى جاڭالىقتار

ەلىمىزدە كۇن قايتا سالقىندايدى

اۋا رايى • بۇگىن، 16:53

ەسىل وزەنىنە جاڭا كوپىر سالىنادى

ايماقتار • بۇگىن، 15:16

شىعىس قازاقستان «جاسىل» ايماقتا

ايماقتار • بۇگىن، 12:15

دوللار ارزانداپ، مۇناي قىمباتتادى

ەكونوميكا • بۇگىن، 11:36

قىركۇيەكتە حالىق ساناعى باستالادى

قازاقستان • بۇگىن، 09:47

ۇقساس جاڭالىقتار