"Air Astana جولاۋشىلاردان بۇكىل رەيس بويى ماسكانى تاعىپ, ونى تەك تاماقتانعان كەزدە شەشۋگە مىندەتتى ەكەنىن تاعى دا ەسكەرتەدى. بۇل كولىك جونىندەگى باس سانيتارلىق دارىگەردىڭ قاۋلىسىندا كورسەتىلگەن. ماسكا تاعۋ ءتارتىبىن جانە باسقا كارانتيندىك تالاپتاردى بۇزۋشىلار ودان ءارى اكىمشىلىك جاۋاپكەرشىلىككە تارتۋ ءۇشىن قۇقىق قورعاۋ ورگاندارىنا تاپسىرىلادى. سوڭعى 4 ايدا ماسكا تاعۋ ءتارتىبىن بۇزعانى ءۇشىن 17 جولاۋشىعا جالپى العاندا 1 416 780 تەڭگەگە ايىپپۇل سالىندى", دەلىنگەن تاراتىلعان اقپاراتتا.
ايىپپۇل مولشەرى - 30 اەك (83 340 تەڭگە). سونىمەن قاتار جولاۋشىلار وزدەرىنىڭ ءىس-ارەكەتتەرىمەن كەلتىرىلگەن زياندى وتەۋگە مىندەتتى. ماسكا تاعۋ ءتارتىبىن ساقتاماۋ سالدارىنان رەيستىڭ كەشىگۋى نەمەسە جوسپاردان تىس قونۋ اۋە كومپانياسىنا ون مىڭ اقش دوللارىنا شىعىن كەلتىرۋى مۇمكىن.
