قازاقستان • 01 قازان، 2020

قانداس جاستار قازاقستاندا باس قوستى

115 رەت كورسەتىلدى

"وتانداستار قورى" كەاق، "دۇنيەجۇزى قازاقتارى قاۋىمداستىعى" رقب جانە "جاس قازاق" حالىقارالىق جاستار ۇيىمىنىڭ ۇيىمداستىرۋىمەن 20-23 قىركۇيەك كۇندەرى شىمكەنت جانە تۇركىستان قالالارىندا "كيەلى قازاقستان" جوباسى ءوتتى، - دەپ حابارلايدى Egemen.kz

جوبا ماقساتى – قانداستاردى قازاقستاننىڭ كورنەكتى جەرلەرىمەن، "جالپىحالىقتىق ماندەگى قازاقستاننىڭ كيەلى گەوگرافياسى" كوپفۋنكتسيونالدى ۆيرتۋالدى كارتاسىنىڭ جوباسىمەن تانىستىرۋ، زاماناۋي قازاقستاننىڭ جەتىستىكتەرى، مادەني-گۋمانيتارلىق الماسۋ مۇمكىندىكتەرى جايلى اقپارات بەرۋ.

جوباعا قازاقستاننىڭ جوو-لارىندا ءبىلىم الىپ جاتقان قانداس ستۋدەنتتەر قاتىستى. ءىس-شارا اياسىندا دوڭگەلەك ۇستەل ۇيىمداستىرىلىپ، قانداس جاستاردىڭ سۇراقتارى مەن ۇسىنىستارى تىڭدالدى. شىمكەنت قالاسى جانە تۇركىستان وبلىسىنداعى كيەلى جەرلەرگە ەكسكۋرسياعا بارىپ، تۋعان ولكەنىڭ تەرەڭ تاريحىمەن تانىستى.

سانيتارلىق-ەپيدەميالىق تالاپتاردى ساقتاپ، جاستار ارنايى مامانداردىڭ باقىلاۋىندا بولدى.

ەستەرىڭىزگە سالا كەتەيىك، "كيەلى قازاقستان" جوباسى قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ قولداۋىمەن ءۇشىنشى رەت وتكىزىلدى. 2018 جىلى تۇركىستان قالاسىندا، ال 2019 جىلى اقتاۋ قالاسىندا ءوتتى.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار