پارلامەنت • 01 قازان، 2020

ليۋكسەمبۋرگتەگى كاسىپورىندارعا قوسارلانعان سالىق سالۋدى بولدىرماۋ تۋرالى زاڭ قابىلداندى

11 رەت كورسەتىلدى

سەنات سپيكەرى ماۋلەن اشىمباەۆتىڭ توراعالىعىمەن پالاتا وتىرىسى ءوتتى. سەنات دەپۋتاتتارى «2007 جىلعى 27 ماۋسىمداعى شانحاي ىنتىماقتاستىق ۇيىمىنا مۇشە مەملەكەتتەر اراسىنداعى بىرلەسكەن اسكەري وقۋ-جاتتىعۋلار وتكىزۋ تۋرالى كەلىسىمگە تولىقتىرۋلار ەنگىزۋ تۋرالى حاتتامانى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىن قابىلدادى، دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.

زاڭعا سايكەس 2017 جىلدان باستاپ شىۇ-نىڭ ەكى تولىق قۇقىلى مۇشەسى ءۇندىستان مەن پاكىستان يسلام رەسپۋبليكاسىنا بىرلەسكەن اسكەري وقۋ-جاتتىعۋلارعا قاتىسۋعا مۇمكىندىك بەرىلەدى.

سەنات توراعاسى ماۋلەن اشىمباەۆ قازىرگى تاڭدا الەم بويىنشا گەوساياسي احۋالدىڭ قيىنداي تۇسكەنىن كورىپ وتىرعانىمىزدى ايتتى. جاڭا سىن-قاتەرلەر پايدا بولۋدا. سوندىقتان تۇراقتىلىق پەن قاۋىپسىزدىكتى ساقتاۋ، تاۋەلسىزدىكتى نىعايتۋ – ەڭ ماڭىزدى ماسەلەگە اينالىپ وتىر. وسى تۇرعىدان كەلگەندە، شانحاي ىنتىماقتاستىق ۇيىمىنىڭ ماڭىزى زور ەكەنىن جەتكىزدى سەنات توراعاسى.

ء«بىز وڭىرلىك قاۋىپسىزدىكتى قامتاماسىز ەتۋ ءۇشىن وسى ۇيىم اياسىندا بىرلەسىپ ارەكەت ەتۋىمىز كەرەك. ىنتىماقتاستىقتى ارتتىرۋ ارقىلى جاڭا قاۋىپتەرگە قارسى تۇرۋدا الەۋەتىمىزدى كۇشەيتەمىز. بۇگىن قابىلداپ وتىرعان زاڭ شانحاي ىنتىماقتاستىق ۇيىمىنىڭ تيىمدىلىگىن ودان ءارى ارتتىرادى دەپ سەنەمىز»، - دەدى ماۋلەن اشىمباەۆ.

سونداي-اق دەپۋتاتتار «2012 جىلعى 3 مامىردا ليۋكسەمبۋرگتە قول قويىلعان حاتتامامەن ەنگىزىلگەن وزگەرىستەردى ەسكەرە وتىرىپ، 2008 جىلعى 26 ماۋسىمدا استانادا قول قويىلعان قازاقستان رەسپۋبليكاسىنىڭ ۇكىمەتى مەن ليۋكسەمبۋرگ ۇلى گەرتسوگتىگىنىڭ ۇكىمەتى اراسىنداعى تابىس پەن كاپيتالعا سالىناتىن سالىقتارعا قاتىستى قوسارلانعان سالىق سالۋدى بولدىرماۋ جانە سالىق سالۋدان جالتارۋعا جول بەرمەۋ تۋرالى كونۆەنتسياعا تولىقتىرۋ ەنگىزۋ تۋرالى حاتتامانى راتيفيكاتسيالاۋ تۋرالى» قازاقستان رەسپۋبليكاسىنىڭ زاڭىن قابىلدادى.

زاڭ سالىق سالۋدان ديۆيدەندتەردى بوساتۋ ماقساتىندا ەل بيۋدجەتىنىڭ مۇددەلەرىن قورعاۋ قاجەتتىلىگىنە نەگىزدەلگەن. بۇل مەملەكەتتىك مەنشىكتەگى ليۋكسەمبۋرگتە تىركەلگەن وتاندىق كاسىپورىندارعا قولدانىلادى.

سونىمەن قاتار، سەناتتىڭ جالپى وتىرىسىندا دەپۋتاتتار بىرقاتار ساۋالدار جولدادى. اۋىل مەكتەپتەرىنىڭ جۇمىسىن قالپىنا كەلتىرۋدى كەزەڭ-كەزەڭىمەن شەشۋگە بايلانىستى پروبلەمالار دەپۋتات التىنبەك نۇح ۇلىنىڭ ساۋالىندا كوتەرىلدى. سەنات دەپۋتاتى نۇرجان نۇرسيپاتوۆتىڭ ۇندەۋى اسكەري-پاتريوتتىق تاربيە ماسەلەلەرىنە قاتىستى بولدى. عۇمار دۇيسەمباەۆ مال شارۋاشىلىعىن سۋبسيديالاۋ ەرەجەلەرىن وزگەرتۋ قاجەتتىلىگى تۋرالى ساۋال دايىندادى. دەپۋتات نۇرلان بەكنازاروۆ كومىرسۋتەكتەر بويىنشا ەلەكتروندىق اۋكتسيوندار ۇيىمداستىرۋ تارتىبىنە بايلانىستى ماسەلەلەردى قوزعادى. ال سەناتور دۇيسەنعازى مۋسين ەلدەگى قۇس تۇماۋىنا قاتىستى جاعداي تۋرالى ساۋال جولدادى.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار