قوعام • 01 قازان، 2020

ەكىباستۇز تۇرعىنى اليمەنت تولەمەگەنى ءۇشىن پاتەرىنەن ايىرىلدى

9 رەت كورسەتىلدى

پاۆلودار وبلىسىنىڭ جەكە سوت ورىنداۋشىسى اليمەنت بويىنشا قارىزى ءۇشىن ەكىباستۇز قالاسى تۇرعىنىنىڭ 4 بولمەلى پاتەرىن ساتتى، دەپ حابارلايدى Egemen.kz ادىلەت مينيسترلىگىنىڭ ءباسپاسوز قىزمەتىنە سىلتەمە جاساپ.

"2016 جىلدان بەرى نەمقۇرايلىق تانىتقان اكە بالاسىنا جالپى سوماسى 2،2 ملن تەڭگە مولشەرىندە اليمەنت قارىز بولىپ قالعان. بورىشكەر بىرنەشە رەت جەكە سوت ورىنداۋشىسىنا شاقىرىلىپ، بالاسىن اسىراۋعا اليمەنت تولەۋ قاجەتتىلىگى تۋرالى ەسكەرتىلدى. الايدا، ول سوت شەشىمىن نازارعا الماي،  تۋعان بالاسىنا كومەكتەسۋگە اسىقپادى. وسىعان بايلانىستى پاۆلودار وبلىسىنىڭ جەكە سوت ورىنداۋشىسى ەكىباستۇز قالالىق سوتىنا جىلجىمايتىن م ۇلىكتى ءوندىرىپ الۋ تۋرالى ۇسىنىم بەردى"، دەلىنگەن حابارلامادا.

كەيىننەن ەلەكتروندىق اۋكتسيون قورىتىندىسى بويىنشا جوعارىدا اتالعان پاتەر 4،6 ملن تەڭگەگە ساتىلعان. جەكە سوت ورىنداۋشىسىنىڭ ءىس-ارەكەتىنىڭ ارقاسىندا بالا زاڭمەن بەلگىلەنگەن 2،2 ملن تەڭگە مولشەرىندەگى قاراجاتقا يە بولىپ، قالعان سوما بورىشكەرگە قايتارىلعان.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار