مونيتورينگ توبى پانفيلوۆ, ۇيعىر, ەڭبەكشىقازاق, تالعار جانە قاراساي اۋداندارىنداعى اكىمدىكتەردىڭ ەتنوسارالىق قاتىناستاردى دامىتۋ سالاسىندا جۇرگىزىپ جاتقان جۇمىستارىمەن تانىستى. جەرگىلىكتى ەتنومادەني بىرلەستىكتەردىڭ باسشىلارىمەن كەزدەسۋلەر وتكىزىلىپ, وندا قازاقستان حالقى اسسامبلەياسى جۇمىسىنىڭ تيىمدىلىگىن ارتتىرۋ, ونىڭ قىزمەتىن ۋاقىت تالاپتارىنا سايكەس جاڭعىرتۋ ماسەلەلەرى تالقىلاندى.
جەرگىلىكتى ۋاكىلەتتى مەملەكەتتىك ورگاندار مەملەكەت باسشىسىنىڭ ەتنوسارالىق قاتىناستار سالاسىنداعى جۇمىس جۇيەسىن جاڭعىرتۋ جونىندەگى تاپسىرمالارىنىڭ ورىندالۋى تۋرالى ايتىپ بەردى.
ساپار بارىسىندا جەرگىلىكتى مەملەكەتتىك ورگانداردىڭ ەتنوسارالىق سالاداعى وزەكتى مىندەتتەرى تالقىلانىپ, مينيسترلىك ازىرلەگەن ادىستەمەلىك ۇسىنىستار مەن جۇمىستى ۇيىمداستىرۋدىڭ جاڭا تاسىلدەرى ءتۇسىندىرىلدى.
بۇدان باسقا, ەتنوسارالىق كەلىسىمدى قامتاماسىز ەتۋ, سونداي-اق ەتنوسارالىق شيەلەنىس پەن قاقتىعىستىڭ الدىن الۋ بويىنشا تالدامالىق, ادىستەمەلىك, اقپاراتتىق, اقپاراتتىق-ءتۇسىندىرۋ قىزمەتى ماسەلەلەرى بويىنشا ورتالىق جانە وڭىرلىك دەڭگەيلەردە بىرلەسكەن جۇمىستى ۇيلەستىرۋ جانە ءوزارا ءىس-قيمىل الگوريتمدەرى كەلىسىلدى.
ساپار سوڭىندا قاسكەلەڭ قالاسى, قاراساي, جامبىل, تالعار, ەڭبەكشىقازاق, ىلە جانە بالقاش اۋداندارى اكىمدىكتەرىنىڭ قىزمەتكەرلەرىنە قورىتىندى سەمينار ۇيىمداستىرىلدى. سەميناردا ەتنوسارالىق قاتىناستار سالاسىنداعى مەملەكەتتىك ساياساتتى ىسكە اسىرۋدىڭ نەگىزگى باعدارلارى بەلگىلەندى, اكىمدىكتەردىڭ ەتنوسارالىق قاتىناستاردى رەتتەۋ سالاسىنداعى قىزمەتىن ودان ءارى جەتىلدىرۋ بويىنشا ناقتى ۇسىنىستار بەرىلدى.
