قازاقستان قورعانىس مينيسترلىگى قازاقستان قارۋلى كۇشتەرىنىڭ تاريحىندا تۇڭعىش رەت جاس وفيتسەرلەر اراسىنداعى كادرلار ساياساتىن جەتىلدىرۋ ءجونىندەگى قاناتقاقتى جوبانى ىسكە قوستى. الماتىدا قۇرلىق اسكەرلەرى اسكەري ينستيتۋتىنىڭ بازاسىندا وقۋ ورنىن 2011 جىلى بىتىرگەن ۇزدىك جاس كومانديرلەرگە قۇرمەت كورسەتۋ ءراسىمى ءوتكىزىلدى. ۇزدىك جۇمىسى ءۇشىن جاس وفيتسەرلەردى قورعانىس ءمينيسترى ادىلبەك جاقسىبەكوۆتىڭ ءوزى ناگرادتادى.
قازاقستان قورعانىس مينيسترلىگى قازاقستان قارۋلى كۇشتەرىنىڭ تاريحىندا تۇڭعىش رەت جاس وفيتسەرلەر اراسىنداعى كادرلار ساياساتىن جەتىلدىرۋ ءجونىندەگى قاناتقاقتى جوبانى ىسكە قوستى. الماتىدا قۇرلىق اسكەرلەرى اسكەري ينستيتۋتىنىڭ بازاسىندا وقۋ ورنىن 2011 جىلى بىتىرگەن ۇزدىك جاس كومانديرلەرگە قۇرمەت كورسەتۋ ءراسىمى ءوتكىزىلدى. ۇزدىك جۇمىسى ءۇشىن جاس وفيتسەرلەردى قورعانىس ءمينيسترى ادىلبەك جاقسىبەكوۆتىڭ ءوزى ناگرادتادى.
قر قك قۇرلىق اسكەرلەرىنىڭ اسكەري ينستيتۋتىن بىتىرۋشىلەر اسكەري قىزمەت باسپالداعىن قورعانىس مينيسترلىگى قاناتقاقتى جوباسى – كادرلار ساياساتىن جەتىلدىرۋ باعدارلاماسى اياسىندا باستاعان بولاتىن. جوبانى ىسكە اسىرۋ قر قك قۇرلىق اسكەرلەرىنىڭ باس قولباسشىسى گەنەرال-لەيتەنانت مۇرات مايكەەۆتىڭ باسشىلىعىمەن جۇرگىزىلدى. باعدارلاما بويىنشا وقىتۋشىلار جوعارى كۋرستاردىڭ وزىندە كۋرسانتتاردىڭ كوشباسشىلىق قارىم-قابىلەتتەرىنىڭ قانشالىقتى دامىعاندىعىن انىقتاپ, ولاردىڭ الەۋەتىنە سايكەس ءارى قارايعى قىزمەت جولىنا باعىتتايدى.
ەكسپەريمەنتكە العاشقى بولىپ 2011 جىلى ءبىتىرىپ شىققان وفيتسەرلەر قاتىستىرىلدى. ولار ءبىتىرۋ كۋرسىندا بىرنەشە توپقا ءبولىندى. ءبىرىنشى توپقا كاسىپتىك, مورالدىق جانە پسيحيكالىق دەڭگەيى جوعارى كۋرسانتتار ەندى. وسى توپتان شىققان جاس وفيتسەرلەر كەيىنگى قىزمەت جولىندا باسقالاردان جىلدامىراق ءوستى.
جوعارى وقۋ ورنىن بىتىرگەن جاس وفيتسەرلەر قر قك قۇرلىق اسكەرلەرىندە ۆزۆود كومانديرى لاۋازىمدارىنا تاعايىندالعان بولاتىن. ەكى جىل ىشىندە وسى لەيتەنانتتاردىڭ بارلىعى دەرلىك روتا كومانديرى لاۋازىمدارىنا كوتەرىلدى. ولاردىڭ تاجىريبەسى مەن جوعارى ناتيجەسى وسى باعىتتىڭ دۇرىستىعىن دالەلدەدى.
– جاڭا جۇيەسىنىڭ جۇمىس ىستەيتىنىن ۋاقىت كورسەتتى. ول وبەكتيۆتى ءارى ترانسپارەنتتى جانە ەلىمىزدىڭ قارۋلى كۇشتەرىندە ەنگىزىلەتىن بولادى. مۇنى سىزدەر قىزمەتتەگى تابىستارىڭىزبەن راستاپ كەلەسىزدەر. ارينە, بۇل سىزدەردىڭ الدارىڭىزدا تۇرعان جولدىڭ شاعىن عانا بولىگى. سىزدەردىڭ ارقايسىلارىڭىز بۇدان ءارى كاسىپتىك جانە ارناۋلى داعدىلارىڭىزدى ارتتىرۋ ءۇشىن جۇمىستى جالعاستىرۋلارىڭىز قاجەت. سىزدەر وسى جەردەگى كۋرسانتتار ءۇشىن قالاي قىزمەت ەتىپ, نەگە ۇمتىلۋ قاجەتتىگى جونىندە ۇلگى كورسەتەسىزدەر. جانە دە ەلباسىمىز – قارۋلى كۇشتەردىڭ جوعارعى باس قولباسشىسى نۇرسۇلتان ءابىش ۇلى نازارباەۆ رەسپۋبليكامىز تاۋەلسىزدىگىنىڭ كۇزەتىندە تۇرعان جاس وفيتسەرلەردىڭ رولىنە ەرەكشە ءمان بەرەتىنىن اتاپ وتكىم كەلەدى, – دەدى جاس وفيتسەرلەر مەن قر قك قۇرلىق اسكەرلەرى اسكەري ينستيتۋتى كۋرسانتتارى الدىندا سويلەگەن قورعانىس ءمينيسترى ادىلبەك جاقسىبەكوۆ.
قورعانىس مينيسترلىگى ءارى قاراي دا ولاردىڭ قىزمەتىن باقىلاپ وتىراتىن بولادى. قازاقستان قورعانىس مينيسترلىگى ءوزىنىڭ كادرلىق ساياساتىندا ارميانى بىلىكتىلىگى جوعارى ماماندارمەن جاساقتاۋعا باسا نازار اۋدارىپ وتىر.
«ەگەمەن-اقپارات».
