ەكولوگيا • 01 قازان، 2020

ەكولوگيا ءمينيسترى بۇۇ بيوالۋانتۇرلىلىك سامميتىندە ۆيدەوۇندەۋ جاسادى

54 رەت كورسەتىلدى

ەكولوگيا ءمينيسترى بۇۇ بيوالۋانتۇرلىلىك سامميتىندە ۆيدەوۇندەۋ جاسادى، دەپ حابارلايدى Egemen.kz

ەكولوگيا، گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ بىرىككەن ۇلتتار ۇيىمىنىڭ نيۋ-يورك قالاسىندا وتكەن بيوالۋانتۇرلىلىك تۋرالى سامميتىندە ءسوز سويلەدى. "تۇراقتى دامۋ ماقساتىنداعى بيوالۋانتۇرلىلىكتى ساقتاۋعا باعىتتالعان شۇعىل شارالار"، دەپ اتالعان جيىن بۇۇ باس حاتشىسى انتونيۋ گۋتەررەشتىڭ باسشىلىعىمەن ءوتتى. بىرقاتار مەملەكەتتەردىڭ باسشىلارى، ۇكىمەت باسشىلارى مەن مۇشەلەرى مالىمدەمە جاسادى.

1

ەكولوگيا ءمينيسترى ماعزۇم مىرزاعاليەۆ تەڭىزگە تىكەلەي شىعا المايتىن دامۋشى ەلدەر اتىنان سويلەدى. ءوز ۇندەۋىندە ول كوروناۆيرۋس پاندەمياسى ادامزات بالاسى مەن تابيعات اراسىنداعى تىعىز بايلانىستىڭ ماڭىزدى ەكەنىن تاعى ءبىر ەسكە سالعانىن اتاپ ءوتتى.

"حالىقتىڭ ءومىرىن قامتاماسىز ەتۋ ءۇشىن تەڭىزگە تىكەلەي شىعا المايتىن ەلدەر توبى بيوالۋانتۇرلىلىككە قاتىستى شارالاردى قابىلداۋدى تەزدەتۋگە شاقىرادى. ءبىز جاھاندىق نەگىزدەمەلىك باعدارلاماعا قاتىستى 2020 جىلدان كەيىنگى كەزەڭگە ارنالعان شارالاردىڭ جوعارى دارەجەدە قابىلدانۋىنىڭ ماڭىزدىلىعىن جەتكىزگىمىز كەلەدى. نەگىزدەمەلىك باعدارلاما تەڭىزگە تىكەلەي شىعا المايتىن ەلدەردىڭ بيوالۋانتۇرلىلىك سالاسىنداعى قاجەتتىلىكتەرىن وتەۋى ءتيىس"، دەدى مينيستر سامميتتەگى سوزىندە.

م.مىرزاعاليەۆ بيوالۋانتۇرلىلىكتى ساقتاۋ قازاقستاننىڭ ەڭ ماڭىزدى ۇلتتىق مۇددەلەرىنىڭ ءبىرى ەكەنىن ايتتى.

ء"بىزدىڭ ەلىمىز بيوالۋانتۇرلىلىكتى ساقتاۋ جونىندەگى كونۆەنتسيانىڭ جاقتاۋشىسى. الداعى قادامىمىز – 2030 جىلعا دەيىنگى بيولوگيالىق الۋانتۇرلىلىكتى ساقتاۋ جانە تۇراقتى قولدانۋ كونتسەپتسياسىن قابىلداۋ. قازاقستان ۇكىمەتى تۇراقتى دامۋ ماقساتتارىن جۇزەگە اسىرۋ ءۇشىن ورمان قورىن قورعاۋ جانە جاڭعىرتۋ جۇمىستارىن جۇرگىزۋدە. ەرەكشە قورعالاتىن اۋماقتار ۇلكەيىپ جاتىر. جانۋارلاردىڭ ميگراتسياسى ءۇشىن ەكولوگيالىق دالىزدەر جاسالۋدا"، دەدى ول.

سونىمەن بىرگە م.مىرزاعاليەۆ قازىر مەملەكەت باسشىسى قاسىم-جومار توقاەۆتىڭ تاپسىرماسىمەن ەكولوگيالىق احۋالدى جاقسارتۋ ءۇشىن ورمان قورىندا 2 ملرد، ەلدى-مەكەندەردە 15 ملن اعاش وتىرعىزىلاتىنىن جەتكىزدى.

ايتا كەتەيىك، بۇۇ-نىڭ بۇل سامميتىندە ادامزات بيوالۋانتۇرلىلىك دەگراداتسياسى اسەرىنەن باستان كەشىپ جاتقان داعدارىس تالقىلاندى. مەملەكەتتەر كوشباسشىلارى مەن وكىلدەرى 2020 جىلدان كەيىنگى كەزەڭدە بيوالۋانتۇرلىلىكتى ساقتاۋ بويىنشا جاسالاتىن جاھاندىق باعدارلاماعا قاتىستى پىكىرلەرىن ءبىلدىردى. اتالعان باعدارلاما 2021 جىلى وتەتىن بيوالۋانتۇرلىلىك تۋرالى تاراپتار كونۆەنتسياسىنىڭ 15-ءشى كونفەرەنتسياسىندا قابىلدانادى.

ونلاين رەجىمدە ءوتىپ جاتقان ءسامميتتى http://webtv.un.org سىلتەمەسى بويىنشا كورۋگە بولادى.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار