الەم • 01 قازان، 2020

تاۋلى قاراباق ءۇشىن كۇرەس جالعاسىپ جاتىر

286 رەت كورسەتىلدى

ازەربايجان مەن ارمەنيانىڭ تاۋلى قاراباق ءۇشىن كۇرەسى جالعاسىپ جاتىر. ازەربايجان قورعانىس مينيسترلىگى ايماقتا جۇرگەن ارمەنيا اسكەرىن قورشاۋعا العانىن حابارلادى. ال ارمەنيا بۇل سوعىستا رەسەيدىڭ قورعانىس الەۋەتىن قولداناتىنىن مالىمدەدى.

بۇل اتالعان ايماق ءۇشىن 1994 جىلدان بەرى ورىن الىپ وتىرعان ەڭ ۇلكەن قاقتى­عىس. بۇل شيەلەنىس ەكى مەملە­كەت­پەن شەكتەلىپ قالماي، وداقتاستارى تۇركيا مەن رەسەيدىڭ دە ارالاسۋىنا اكەلدى. تۇركيا سىرتقى ىستەر ءمينيسترى مەۆلۋت چاۆۋشوعلى «ازەربايجان ماسەلەگە شەشىم تابۋدى قاجەت دەپ تاپسا، ءبىز ءتيىستى شارالاردى قولعا الامىز» دەگەن مالىمدەمە جاسادى. ءمينيستردىڭ ايتۋىنشا، ازىرگە ازەربايجاننىڭ جاعدايدى شەشۋگە ءوز الەۋەتى دە جەتەدى.

ودان كەيىن فرانتسيا ۇكىمەتىنىڭ ارمەنيانى قولدايتىنى بەلگىلى بولدى. فرانتسيا پرەزيدەنتى ەممانۋەل ماكرون تۇركيانىڭ دەمەۋى ازەرباي­جان­نىڭ تاۋلى قاراباق ايماعىن ءوز يەلىگى­نە الۋعا جىگەرلەندىرىپ وتىرعا­نىن ايتادى. ونىڭ ويىنشا، ەكى ەلدىڭ ماسە­لەسىنە بۇلاي ارالاسۋ ءجونسىز. «مەن بۇل جەردە تۇركيانىڭ قاۋىپتى ءارى ويعا قونىمسىز ساياساتىن كورىپ تۇرمىن»، دەدى ە.ماكرون.

بۇعان دەيىن ارمەنيا پرەمەر-ءمي­نيسترى نيكول پاشينيان رەسەي پرەزي­دەنتى ۆلاديمير پۋتينمەن تەلەفونمەن سويلەسكەندە، بۇرىنعى كەڭەس قورعانى­سىنان كومەك سۇراۋدى جوسپارلامايتىنىن جەتكىزگەن ەدى. الايدا ۇكىمەت باسشىسى مۇنىڭ مۇمكىن ەكەنىن دە جاسىرمادى.

ازەربايجان قورعانىس مينيسترلىگى قاقتىعىستا قارسى جاقتىڭ 130 تانكىسى، 200 ارتيللەريالىق جۇيەسى، 25 اۋە قورعانىس جۇيەسى، 50 تانكىگە قارسى قارۋى جويىلعانىن حابارلادى.

ارمەنيا تاراپى ازىرگە ارمەنيا، ازەربايجان، رەسەيدىڭ بىرىككەن ءساممي­تىن كۇتۋدىڭ ورىنسىز ەكەنىن مالىم­دەدى. «كەلىسىم ءۇشىن قولايلى كەزەڭدى كۇتۋ كەرەك. ازىرگە مىناداي جويقىن قارۋلى قاقتىعىس كەزىندە مامىلەگە كەلۋ­دىڭ باسقا جولىن ىزدەۋ كەرەك»، دەدى پاشينيان.

 

 

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار