تەحنولوگيا • 01 قازان، 2020

«اقىلدى» ايماقتار

9 رەت كورسەتىلدى

شانحاي قالاسىندا ءداستۇرلى Huawei Connect 2020 ءداستۇرلى كونفەرەنتسياسى ءوتتى. دۇنيە ءجۇزى بويىنشا 5G جەلىسىنىڭ دامۋىنا وراي اقپاراتتىق-كوممۋنيكاتسيالىق تەحنولوگيالار سەكتورىندا جاڭا مۇمكىندىكتەر اشىلعانى بەلگىلى. سوندىقتان بيىلعى كونفەرەنتسيانىڭ نەگىزگى تاقىرىبى بايلانىس، بۇلتتى تەحنولوگيا، جاساندى ينتەللەكت، وزىق ەسەپتەۋلەر مەن ونەركاسىپتەگى قوسىمشالاردىڭ ءوزارا ارىپتەستىگىنە ارنالدى.

كونفەرەنتسيادا ءسوز سويلەگەن Huawei كومپانياسىنىڭ باس­قارما توراعاسى گو پين كاسىپ­ورىنداردىڭ جانە ۇكىمەت­تەر­دىڭ باسقارۋ جۇيەلەرىن جەتىل­دىرۋدەگى، سونداي-اق «اقىلدى» كاسىپورىندار، عيماراتتار جانە قالالار قۇرۋداعى وزىق تاجىريبەلەرى تۋرالى ايتتى. ونىڭ سوزىنە قاراعاندا، قىتايلىق كومپانيا ءوزىنىڭ سەرىكتەستەرىمەن بىر­لەسىپ كاسىپورىندارعا تسيفرلان­دىرۋدىڭ كومەگىمەن بيزنەستى دامىتۋعا، ال ۇكىمەتتەرگە باس­قارۋ ساپاسىن ارتتىرۋعا كو­مەكتەسىپ، اقپاراتتىق-كوم­مۋ­نيكاتسيالىق تەحنولوگيالاردى ەنگىزۋدە.

– ۇكىمەتتەر مەن كاسىپورىن­دار تسيفرلى فورماتتا جۇمىس ىستەۋگە كوشىپ، جاساندى ينتەل­لەكتىنى مەڭگەرگەن سايىن اقپا­رات­تىق-كوممۋنيكاتسيالىق تەح­نو­لوگيالاردىڭ الدىندا تەڭدەسى جوق زور مۇمكىندىكتەر اشىلا تۇسەدى، – دەدى ول.

بۇلتتى سەرۆيس سالاسىندا Huawei بۇگىنگى تاڭدا الەمنىڭ 23 ايماعىن قامتىپ، 1،5 ملن-نان استام ازىرلەۋشىنى قاتارىنا تارتقانىن ايتا كەتۋ كەرەك.

سونداي-اق كونفەرەنتسيا­دا شەنچجەن قالاسىنىڭ مەرى چەن جۋگۋي ءسوز سويلەدى. بۇل قالا بۇگىنگى تاڭدا الەمنىڭ «اقىل­­دى» ورتالىقتارىنىڭ بى­رى­­نە ارنالۋ باعىتىندا جۇمىس ىس­تەپ جاتقانىن ايتا كەتۋ كەرەك. كرەمني اڭعارىنىڭ بالاماسى رەتىندە قىتايدا قولعا الىنعان «ۇلكەن شىعاناق» جوباسى دا وسى قالانى قامتيدى.

– «ۇلكەن شىعاناق» جوباسى تۋعىزعان مۇمكىندىكتەردى گۋان­دۋن، گونكونگ جانە ماكاومەن قاتار شەنچجەن ايماعى دا بارىنشا پايدالانۋعا تىرىسادى. Huawei كومپانياسىنىڭ جانە باسقا وزىق تەحنولوگيالاردىڭ ارتىقشىلىقتارىن قولدا­نۋ­دىڭ، سونىمەن قاتار «اقىلدى» عيما­رات­تاردى سالۋدىڭ ناتي­جەسىندە ءبىزدىڭ قالامىز كۇننەن-كۇنگە «اقىلدى» بولىپ كەلە جاتىر. 5G تەحنولوگياسى ۇسىنعان مۇم­­كىندىكتەردى ءبىز بارىنشا قول­دايمىز، 5G-ءدى ءتۇرلى سا­لا­­لارعا بەلسەندى ەنگىزەمىز، ونەر­­­كاسىپتىك ينتەرنەتتى دا­مى­تامىز. سونىمەن قاتار شا­عىن جانە ورتا بيزنەستەگى كاسىپ­ورىنداردىڭ تسيفرلى تۇر­لە­نۋىنە قولداۋ كورسەتەمىز. ءبىز تەح­­نولوگيالاردىڭ ءومىردى جاق­سارتاتىن، قالالاردى بارىنشا قارقىندى دامىتاتىن الەۋەتى بار ەكەنىنە سەنەمىز، – دەدى ول.

وتىز جىلدان استام تاريحى بار Huawei اقپاراتتىق-كوم­­مۋنيكاتسيالىق تەحنولوگيالار سالاسىنداعى الەمدىك الپاۋىتتاردىڭ ءبىرى ەكەنى بەل­گىلى. 194 مىڭنان استام قىز­­مەت­­­كەرى بار كومپانيا الەم بو­يىنشا 170-تەن استام ەلدەگى 3 ملرد-دان استام ادامعا «اقىل­دى» قۇرىلعى مەن تسيفر­لى ين­فرا­قۇرىلىم ۇسىنۋ سىندى قىز­مەت كورسەتەدى.

سوڭعى جاڭالىقتار

تارازدان كەلگەن ۇرى ۇستالدى

ايماقتار • بۇگىن، 20:35

زاڭسىز اڭ اۋلاۋ تيىلماي تۇر

ايماقتار • بۇگىن، 17:22

باستاما باياندىلىعىمەن قۇندى

ايماقتار • بۇگىن، 13:56

ۇقساس جاڭالىقتار