قوعام • 30 قىركۇيەك، 2020

باۋىرجان بايبەك سەمەيدىڭ زيالى قاۋىم وكىلدەرىمەن كەزدەستى

43 رەت كورسەتىلدى

مەملەكەت باسشىسىنىڭ تاپسىرمالارى اياسىندا حاكىم ابايدىڭ تۋعان جەرىندە اتقارىلىپ جاتقان جۇمىستاردى قاداعالاۋ ماقساتىمەن "Nur Otan" پارتياسى توراعاسىنىڭ ءبىرىنشى ورىنباسارى باۋىرجان بايبەك سەمەي قالاسىنا باردى، دەپ حابارلايدى Egemen.kz.

باۋىرجان بايبەك ءوڭىر جۇرتشىلىعىمەن "Nur Otan» پارتياسىنىڭ قالالىق سايلاۋالدى باعدارلاماسىنداعى نەگىزگى باسىمدىقتاردى تالقىلادى.

"بارشاڭىزعا ءمالىم، بيىل دانا ابايدىڭ تۋعانىنا 175 جىل تولىپ وتىر. ۇلى ويشىلدىڭ مەرەيتويىن لايىقتى اتاپ ءوتۋ ماقساتىندا ەل پرەزيدەنتى قاسىم-جومارت توقاەۆ ارنايى جارلىق شىعارىپ، ونى قوعامدىق سانانى جاڭعىرتاتىن ەلدىك ءىس-شارا رەتىندە وتكىزۋدى، الاش قايراتكەرلەرى تۋ تىككەن سەمەي قالاسىن تاريحي ورتالىق رەتىندە بەلگىلەۋدى تاپسىردى. قاشاندا ەلدىگىن باياندى، مەملەكەتتىلىگىن ماڭگىلىك ەتۋدى كوزدەيتىن ۇلتتار تاريحىنا بويلاپ، تۇعىرلى تۇلعالارىنىڭ اسىل ويلارىن ەل دامۋىنىڭ وزەگىنە اينالدىرادى. ەلباسى نۇرسۇلتان نازارباەۆتىڭ قولعا العان ىستەرىنىڭ تۇپكى ءتۇيىنى دە، "رۋحاني جاڭعىرۋ" باعدارلاماسى مەن " ۇلى دالانىڭ جەتى قىرى" ماقالاسى دا وسىناۋ ۇلى مۇراتتاردى كوزدەيدى"، دەپ جازدى ب.بايبەك Facebook پاراقشاسىندا.

بۇدان سوڭ، ول الەمدى شارپىعان ىندەتكە قاراماستان، اقىن مەرەيتويىن اتاپ وتۋگە بايلانىستى ەلىمىزدە ءبىرشاما اۋقىمدى جۇمىستار اتقارىلعانىن جازعان.

"مەملەكەت باسشىسىنىڭ تاپسىرمالارى اياسىندا حاكىم ابايدىڭ تۋعان جەرىندە ىستەلىپ جاتقان جۇمىستاردى قاداعالاۋ ماقساتىمەن بۇگىن سەمەي قالاسىنا ارنايى كەلدىم"، - دەلىنگەن پارتيا توراعاسىنىڭ ءبىرىنشى ورىنباسارىنىڭ جازباسىندا.

باۋىرجان بايبەك شىعىس قازاقستان وبلىسىنىڭ اكىمى دانيال احمەتوۆپەن بىرگە شاھارداعى قايتا جوندەۋدەن وتكىزىلگەن اباي الاڭىندا، اباي اتىنداعى تەاتردا بولىپ، ارى قاراي جيدەبايعا اتتانعان. ۇلى ويشىلدىڭ رۋحىنا تاعزىم ەتىپ، اقىن ۇرپاقتارىمەن، ەل اعالارىمەن كەزدەستى.

د

"ەل جايى، رۋحانيات ماسەلەسى اڭگىمە ارقاۋىنا اينالىپ، بەلگىلى قالامگەر تولەگەن جانعاليەۆ اقساقال ەلباسى، نۇرسۇلتان نازارباەۆتىڭ دا ەل پرەزيدەنتى رەتىندەگى العاشقى قادامىن اباي ەلىنەن باستاعانىن، وسى جولدى بۇگىندە مەملەكەت باسشىسى قاسىم-جومارت توقاەۆ تا جالعاستىرعانىن ەسىنە الدى.

جالپى، ابايدىڭ 175 جىلدىعىن اتاپ ءوتۋ اياسىندا ۇلكەندى-كىشىلى 500-گە جۋىق ءىس-شارا جوسپارلانعان. تەك اباي اۋدانىنىڭ وزىندە عانا مەرەيتويدى ۇيىمداستىرۋ اياسىندا ىرگەلى جوبالار ىسكە اسىرىلعان. ابايدىڭ تۋعان جەرى – سىرت قاسقابۇلاقتا مەموريالدىق كەشەن بوي كوتەرگەن. ابايدىڭ اكەسى جەرلەنگەن اقشوقى مەكەنى اباتتاندىرىلىپ، قۇنانباي وسكەنباي ۇلى مۇراجايى سالىندى. جيدەبايداعى "اباي - شاكارىم" كەشەنىنە، ابايدىڭ مۋزەي-ۇيىنە زاماناۋي تالاپتارعا ساي جوندەۋ جۇمىستارى جۇرگىزىلگەن"، دەپ جازدى ول.

ونىڭ ايتۋىنشا، ەلىمىزدىڭ وزگە ايماقتارى دا اباي مەرەيتويىنا ءوز ۇلەستەرىن قوسۋدا. "Nur Otan" پارتياسى مەن "Jas Otan" جاستار قاناتى دا وسى مەرەيتوي اياسىندا ەلىمىزدىڭ بارلىق وڭىرىندە 350-دەن استام ءىس-شارا وتكىزگەن.

سوڭعى جاڭالىقتار

شىڭعىستاۋدىڭ شاكىرى

ادەبيەت • كەشە

جانى ىزگى جۋرناليست

ەگەمەن قازاقستان • كەشە

ۇقساس جاڭالىقتار