رۋحانيات • 30 قىركۇيەك، 2020

قازاقستاندا مەكتەپ وقۋشىلارىنا مادەني-ءبىلىم بەرۋ جوباسى ىسكە قوسىلادى

364 رەت كورسەتىلدى

مادەنيەت جانە سپورت مينيسترلىگى الداعى قازان ايىنان باستاپ مەكتەپ وقۋشىلارىنىڭ ادامگەرشىلىك جانە رۋحاني تۇرعىدا دامۋىنا باعىتتالعان "ۇلاعاتتى ۇرپاق" مادەني-ءبىلىم بەرۋ جوباسىن ىسكە قوسادى، دەپ حابارلايدى Egemen.kz مادەنيەت جانە سپورت مينيسترلىگىنىڭ ءباسپاسوز قىزمەتىنە سىلتەمە جاساپ.

باعدارلاما ۇزاقتىعى 10-15 مينۋتتان تۇراتىن ىڭعايلى قىسقاشا ونلاين-فورماتتا 1-11 سىنىپتارىنىڭ وقۋشىلارى ءۇشىن بەينە-دارىستەرى ازىرلەندى. بالالار ۇيدەن شىقپاي-اق قازاقستاننىڭ كيەلى جەرلەرىنە ۆيرتۋالدى تۇردە ساياحاتتاي الادى، وپەرا، بالەت، دراما ونەرىنىڭ وزىق ۇلگىلەرىن كورىپ، قازاقستاندىق جانە شەتەل كينوفيلمدەرى مەن مۋلتفيلمدەرىن تاماشالاپ، اسەم مۋزىكالىق شىعارمالاردى تىڭداي الادى.

وقۋشىلارعا  mmura.kz سايتىندا  مۋزىكالىق ونەر، تەاتر ونەرى، كينوماتوگرافيا، بەينەلەۋ ونەرى جانە كيەلى قازاقستان اتتى 5 باعىت بويىنشا قازاق جانە ورىس تىلدەرىندە بارلىق ءبىلىم بەرۋ بەينە-دارىستەرىنە ەركىن قول جەتكىزۋگە مۇمكىندىك بەرىلەدى.

ءار بەينە-ءدارىستىڭ سوڭىندا وقۋشىلار ءۇش سۇراققا جاۋاپ بەرە وتىرىپ، وزدەرىن تەكسەرە الادى. بالالاردىڭ ەرىكتى تۇردە قاتىسۋى وسى جوبانىڭ قاعيداتتى شارتى بولىپ تابىلادى. وقۋ جىلىنىڭ سوڭىندا تەست سۇراقتارىنا دۇرىس جاۋاپ بەرىپ جوعارى ۇپاي جيناعان ەڭ بەلسەندى قاتىسۋشىلاردى سىيلىقتار مەن جاعىمدى توسىنسىيلار كۇتەدى.  

"وسىنداي دەڭگەيدەگى جوبا جاس جانە جاڭا بىلىمگە قۇمار ۇرپاق ءۇشىن باعدار بەرەدى، ەلىمىزدىڭ سەنىمدى ازاماتتارىن تاربيەلەۋگە كومەگىن تيگىزەدى جانە جىگەرگە تولى جاس جۇرەكتەردى جاۋلاپ الادى دەگەن سەنىمدەمىز!"، دەپ اتاپ ءوتتى ۇيىمداستىرۋشىلار.

"ۇلاعاتتى ۇرپاق" –  مەكتەپ وقۋشىلارىن ەلىمىزدىڭ مادەني كەڭىستىگىنە بەلسەندى تۇردە ەنگىزۋ ارقىلى مادەني اعارتۋدىڭ جاڭا فورماتى، "ماڭگىلىك ەل" قۇندىلىقتارىنىڭ بۇكىل جۇيەسى نەگىزگە الىنعان وزىندىك ۇلتتىق مادەنيەتكە باستاپقى ەنۋ نەگىزىندە الەمدىك مادەنيەتتىڭ جاۋھارلارىمەن تانىستىرۋ.

جوبانى ىسكە اسىرۋ جونىندەگى بارلىق ۇسىنىستار "رۋحاني جاڭعىرۋ" مەملەكەتتىك باعدارلاماسىنا، ەلباسى نۇرسۇلتان نازارباەۆتىڭ " ۇلى دالانىڭ جەتى قىرى» ماقالاسىنا، ء"بىلىم بەرۋ تۋرالى» قازاقستان رەسپۋبليكاسىنىڭ زاڭىنا، "مادەنيەت تۋرالى" قازاقستان رەسپۋبليكاسىنىڭ زاڭىنا جانە وزگە دە نورماتيۆتىك-قۇقىقتىق قۇجاتتارعا سايكەس ازىرلەندى.

بۇل باستاماشىلىق ەلىمىزدىڭ شىعارماشىلىق ينتەلليگەنتسياسى اراسىندا كەڭىنەن قولداۋ تاپقانىن ەسكەرە كەتكەن ءجون. العاشقى بەينە-دارىستەر قازاقستاننىڭ حالىق ءارتيسى گاۋحار مىرزابەكوۆانىڭ، قازاقستاننىڭ ەڭبەك سىڭىرگەن قايراتكەرلەرى بولات ءابدىلمانوۆتىڭ، تولقىن ءزابيروۆانىڭ، قازاقستان كينوسىنشىلارى اسسوتسياتسياسىنىڭ پرەزيدەنتى گۇلنار ابىكەەۆانىڭ قاتىسۋىمەن جاسالدى.

سوڭعى جاڭالىقتار

ۇقساس جاڭالىقتار